திறமைசாலிகளை தேடிப்பிடித்து வாய்ப்பளிக்கும் இமான்...குவியும் பாராட்டுக்கள்

திறமைசாலிகளுக்கு வாய்ப்பு

முன்னணி இசையமைப்பாளராக இருந்த போதிலும் திறமைசாலிகளை கண்டுபிடித்து அங்கீகாரம் கொடுப்பதையும், அவர்களுக்கு வாய்ப்பு கொடுப்பதையும் தவறாமல் செய்து வருகிறார் இமான். விஸ்வாசம் படம் ரிலீசான சமயத்தில், திருமூர்த்தி என்ற பார்வை திறனற்ற இளைஞர், இமானுக்கு தேசிய விருது பெற்றுத் தந்த 'கண்ணான கண்ணே' பாடலை அழகாக பாடி இருந்தார்.

திருமூர்த்திக்கு கிடைத்த சான்ஸ்

திருமூர்த்தியின் பாடலை அவரது நண்பர்கள் வீடியோவாக எடுத்து சோஷியல் மீடியாவில் பகிர்ந்தனர். இந்த வீடியோ வைரலானதால், அவரை பற்றி விசாரித்த இமான், திருமூர்த்தியை நேரில் அழைத்து பாராட்டு தெரிவித்தார். அதோடு தனது குழுவில் இணைந்து பணியாற்ற வாய்ப்பளித்தார். அவருக்கு இசை பயிற்சியும் அளித்து வந்தார்.

தொடரும் இமானின் தேடல்

சமீபத்தில் திருமூர்த்தியை அழைத்த நேரில் பாராட்டிய நடிகர் கமல்ஹாசன், ஏ.ஆர்.ரஹ்மானிடம் திருமூர்த்தியை அறிமுகம் செய்து வைத்தார். ஏ.ஆர்.ரஹ்மானும் தனது இசைப்பள்ளியில் திருமூர்த்திக்கு வாய்ப்பு அளிப்பதாக தெரிவித்தார்.திருமூர்த்தியை தொடர்ந்து ரயிலில் பாடும் பெண் ஒருவரையும் இமான் தேடி வந்தார். தனது ட்விட்டர் பக்கத்தில் அவரின் கான்டாக்ட் நம்பர் கிடைக்குமா என இமான் கேட்டிருந்தார்.

நாட்டுப்புற பாடகிக்கு சான்ஸ்

இந்நிலையில் இன்று இமான் தனது ட்வீட்டில், தேவகோட்டை அபிராமி என்ற நாட்டுப்புற பாடகியை பப்ளிக் என்ற படத்தின் மூலம் சினிமாவிற்கு அறிமுகம் செய்வதில் மகிழ்ச்சி.சமுத்திரக்கனி நடிப்பில் ரா.பரமன் இயக்கும் இந்த படத்திற்கு யுகபாரதி பாடல் எழுதுகிறார். கேகே ரமேஷ் தயாரிக்கிறார். இமான் இசையமைக்கிறார் என குறிப்பிட்டுள்ளார்.

எங்களுக்கும் சான்ஸ் கொடுங்க

திறமையாலிகளை அடையாளம் கண்டுபிடித்து, அவர்களின் திறமைகளை வெளியுலகிற்கு அடையாளம் காட்டும் இமானின் இந்த செயலுக்கு பாராட்டுக்கள் குவிந்து வருகிறது. அதே சமயம் பலரும் இமானின் இசையில் பாட தங்களுக்கு ஆசையாக உள்ளது என சொல்லி, தங்களுக்கும் சான்ஸ் தருமாறு கேட்டு வருகின்றனர்.