அப்பா அர்ஜூன் இயக்கும் படத்தில் ”கதக்” கலைஞராக அசத்தும் மகள் ஐஸ்!

சென்னை: அர்ஜூனின் இயக்கத்தில் அவரது மகள் ஐஸ்வர்யா புதிய படமொன்றில் நடித்து வருகின்றார்.

அர்ஜுன் மகள் ஐஸ்வர்யா "பட்டத்து யானை" படத்தில் கதாநாயகியாக அறிமுகம் ஆனார். அதன் பிறகு அவர் எந்த படத்திலும் நடிக்கவில்லை.

இந்நிலையில் இது குறித்து "ஒரு இந்தி படத்தில் நடிக்கும் வாய்ப்பு வந்தது. வேண்டாம் என்று சொல்லி விட்டேன்.

நல்ல கதையம்சம் உள்ள படம் வந்தால் நடிக்கலாம். இல்லையென்றால் வேறு வேலையில் கவனம் செலுத்த முடிவு செய்திருக்கின்றேன்" என்று தெரிவித்திருந்தார்.

தற்போது அப்பா அர்ஜூன் இயக்கத்தில் ஒரு படத்தில் நடித்து வருகின்றார் ஐஸ்வர்யா. அப்படத்தில் கதக் நடனம் ஆடும் வேடத்தில் நடிக்கு ஐஸ்வர்யா, அதற்காக கதக் கற்று வருகின்றாராம்.

தந்தையின் நிறைவிற்காக கடினமாக பயிற்சி எடுத்து வருகின்றாராம் ஐஸ்... அம்மாவே ஒரு அருமையான நடனக்கலைஞர்... அப்போ மகளுக்கு இதெல்லாம் ரொம்ப ஈசிதான்... நடக்கட்டும்... நடக்கட்டும்...!