ஷாருக்கானுக்கு கட்டிப்பிடி வைத்தியம் கொடுத்த டிடி...இது எப்போ எடுத்த போட்டோ தெரியுதா?

பாப்புலரான டிடி

கடந்த 20 ஆண்டுகளுக்கும் மேலாக விஜய் டிவியில் தொகுப்பாளராக இருந்து வருகிறார் டிடி நீலகண்டன். காஃபி வித் டிடி, சூப்பர் சிங்கர் உள்ளிட்ட பிரபலமான நிகழ்ச்சிகளை தொகுத்து வழங்கி உள்ளார். ஆனால் சமீப காலமாக பெரிய பெரிய திரைப்பட விழாக்களிலேயே டிடி.,யை அதிகமாக பார்க்கப்படுகிறது. அந்த அளவிற்கு சினிமா பிரபலங்கள் பலருக்கும் மிக நெருக்கமாக இருந்து வருகிறார் டிடி.

டிடி இப்போ என்ன செய்கிறார்

விசில், பவர் பாண்டி, சரோஜா, சர்வம் தாள மயம் உள்ளிட்ட பல படங்களில் நடித்துள்ள டிடி, தற்போது சுந்தர்.சி இயக்கி வரும் காஃபி வித் காதல், துருவ நட்சத்திரம், ஜோஸ்வா இமை போல் காக்க ஆகிய படங்களில் நடித்து வருகிறார். சினிமாவில் பல படங்களில் பல நடிகைகளுக்கு வாய்ஸ் கொடுத்து வருகிறார்.

ஷாருக்கானுக்கு கட்டிப்பிடி வைத்தியம்

இந்த சமயத்தில் இன்று தனது சோஷியல் மீடியா பக்கங்களில் பாலிவுட் டாப் ஹீரோ ஷாருக்கானை இறுக்கமாக கட்டிப்பிடித்த போட்டோக்களை வெளியிட்டு அனைவருக்கும் ஷாக் கொடுத்துள்ளார். இந்த போட்டோவுடன் அவர் பதிவிட்டுள்ள கேப்ஷனில், நான் அவரை இறுகக் கட்டிப்பிடித்து, நான் சொல்ல விரும்பிய அனைத்தையும் அவரிடம் சொன்னேன். இவ்வளவு வருடங்கள் பல நினைவுகள், நீங்கள் எங்களுக்குக் கொடுத்துள்ள மகிழ்ச்சி அனைத்திற்கும் நீங்கள் தகுதியானவர். சிறந்த வாழ்க்கையின் சிறந்தவர். உங்கள் இதயத்தின் மகிழ்ச்சிக்காக நான் தினமும் பிரார்த்தனை செய்வேன்.

என்னது 1000 கோடி வசூலா

எங்களின் கிங் கான் திரையுலகிற்கு வந்து 30 ஆண்டுகள் நிறைவடைந்த நிலையில் இன்று இந்த போட்டோக்களை போஸ்ட் செய்வது எவ்வளவு பொருத்தமாக உள்ளது. ஷாருக்கான் சார் உங்களைப் போல் இதற்கு முன்பும், இனி மேலும் யாரும் இருக்க முடியாது சார். இந்த வாய்ப்பை ஏற்படுத்திக் கொண்டுத்த டைரக்டர் அட்லி டார்லிங், தேங்க் யூ சோ மச். ஜவான் படம் 1000 கோடி வசூல் பிளாக் பஸ்டர் படமாக மெகா ஹிட்டாக என்னுடைய வாழ்த்துக்கள் என குறிப்பிட்டுள்ளார்.

எப்போ எடுத்த போட்டோ தெரியுதா

ஆரஞ்சு கலர் பட்டு சேலையில் ஷாருக்கானை கட்டிப்பிடித்த, அவருடன் எடுத்துக் கொண்ட போட்டோக்களை தான் டிடி பகிர்ந்துள்ளார். இந்த போட்டோ நயன்தாரா திருமணத்தில் ஷாருக்கான் கலந்து கொள்ள வந்த போது எடுக்கப்பட்டது. இதே புடவையில் தான் டிடி, நயன்தாராவின் திருமணத்தில் கலந்து கொண்டார். ஷாருக்கான் தற்போது அட்லி இயக்கத்தில் நடித்து வரும் ஜவான் படத்தில் அவருக்கு ஜோடியாக தான் நயன்தாரா நடித்து வருகிறார். இதனால் அட்லியும், ஷாருக்கானும் ஒரே காரில் வந்து தான் திருமணத்தில் கலந்து கொண்டனர்.

இது தெரியாம போச்சே இவ்வளவு நாளா

நயன்தாரா - விக்னேஷ் சிவன் திருமணத்தில் மெஹந்தி நிகழ்வு முதல், திருமணம் வரை கலந்து கொண்ட ஒரே டிவி பிரபலம் டிடி தான். நயன்தாராவும் டிடி.,யும் அவ்வளவு நெருக்கமாம். அதனால் தான் டிடி.,யை நயன்தாரா ஸ்பெஷலாக அழைத்திருந்ததாக கூறப்பட்டது. டிடி தொகுத்து வழங்கிய டிடி நிகழ்ச்சியில் தான் நயன்தாரா, முதல் முறையாக தங்களுக்கு நிச்சயதார்த்தம் முடிந்து விட்ட ரகசியத்தை சொன்னார். விக்னேஷ் சிவன் பற்றிய பல சுவாரஸ்யமாக விஷயங்களையும் ஓப்பனாக பகிர்ந்து கொண்டார்.