சத்தம் காட்டாமல் பண உதவி செய்த நடிகர் தனுஷ்.. நன்றியுடன் வீடியோ போட்ட போண்டா மணி!

போண்டா மணிக்கு சிகிச்சை

இரு சிறுநீரகங்களும் செயலிழந்து விட்ட நிலையில், சிறுநீரக மாற்று அறுவை சிகிச்சை விரைவில் நடிகர் போண்டா மணிக்கு செய்யப்படவிருக்கிறது. அதற்கு அதிக பணம் செலவாகும் என்பதால், நடிகர்களிடம் சமீபத்தில் உதவி கேட்டு வீடியோ ஒன்றை பதிவிட்டு இருந்தார் காமெடி நடிகர் போண்டா மணி. அவரது நிலையை அறிந்த சினிமா பிரபலங்கள் தொடர்ந்து அவருக்கு உதவி செய்ய முன் வந்துள்ளனர்.

வடிவேலு ஆதரவு

வடிவேலுவின் காமெடி காட்சிகளில் அதிகப்படியாக நடித்து பிரபலமான போண்டா மணிக்கு வேண்டிய உதவிகளை செய்ய தயாராக இருப்பதாக நடிகர் வடிவேலு உறுதி அளித்துள்ளார். மேலும், போண்டா மணியுடன் போனில் பேசியுள்ள வடிவேலு, விரைவில் அவரை வந்து சந்திப்பதாகவும் கூறியுள்ளார்.

விஜய்சேதுபதி உதவி

போண்டா மணியின் நிலை குறித்து அறிந்ததுமே நடிகர் விஜய்சேதுபதி போண்டா மணியின் வங்கி கணக்கில் ஒரு லட்சம் ரூபாய் பணத்தை போட்டுள்ளார். இதை அறிந்த போண்ட மணி சமீபத்தில் வெளியிட்ட வீடியோவில் விஜய்சேதுபதி கொடுத்த ஒரு லட்சம் எனக்கு ஒரு கோடி மாதிரி என பாராட்டி நன்றி தெரிவித்தார்.

தனுஷ் ஒரு லட்சம்

விஜய்சேதுபதியை தொடர்ந்து நடிகர் தனுஷ் தற்போது போண்டா மணியின் வங்கி கணக்கில் ஒரு லட்சம் ரூபாய் உதவியாக அளித்துள்ளார். அதற்கு நன்றி தெரிவித்து வெளியிட்டுள்ள வீடியோவில் தம்பி தனுஷ் நீ அனுப்பிய ஒரு லட்சம் ரூபாய் பணம் எனக்கு வந்து சேர்ந்து விட்டது. உன் நல்ல மனசுக்கு ரொம்ப நன்றி எனக் கூறியுள்ளார்.

கேப்டன் மில்லர்

மாறன், திருச்சிற்றம்பலம் உள்ளிட்ட தமிழ் படங்களை தொடர்ந்து இந்த ஆண்டு மேலும், நானே வருவேன், வாத்தி என இரு படங்கள் தனுஷ் நடிப்பில் வெளியாக உள்ளது. கேப்டன் மில்லர் படத்திற்கு பூஜை போடப்பட்டுள்ள நிலையில், அந்த படத்தில் படு பிசியாக நடித்து வருகிறார் தனுஷ். மேலும், தி கிரேமேன் 2 ஹாலிவுட் படத்திலும் நடிக்க உள்ளார். இந்நிலையில், காமெடி நடிகர் போண்டா மணியின் கஷ்டத்தை புரிந்து கொண்டு அவர் உதவி செய்திருப்பது ரசிகர்களால் வெகுவாக பாராட்டப்பட்டு வருகிறது.