தனுஷ் மனதிலும் அரசியல் ஆசை... படத்தின் தலைப்பு கொடி

அரசியல் படம்

தனுஷ் இதுவரைக்கும் அரசியல் சார்பான படம் எதிலும் நடித்ததில்லை. அரசியல் வசனமோ, அது தொடர்பான பஞ்ச் வசனமோ பேசியதில்லை. இப்போது முதன் முறையாக டைரக்டர் துரை.செந்தில்குமார் இயக்கத்தில் அரசியல் கதை அம்சம் கொண்ட படத்தில் இரு வேடங்களில் நடிக்கிறார் தனுஷ்.

அதிரடி அரசியல்

இந்தப் படத்தின் கதை முழுக்க முழுக்க அரசியலை மையப்படுத்தி அமைந்துள்ளது. இதற்கு முன்பு தனுஷ் இப்படிப்பட்ட படத்தில் நடித்ததில்லை. இந்தப் படத்தில் அதிரடிக்கு பஞ்சமில்லை. இது தனுஷின் அதிரடி அரசியல் படமாக இருக்குமாம்.

கொடிதான் கதையே

ஒரு கொடிக்காக என்னென்ன கலவரங்கள் பிரச்னைகள் நடக்கிறது என்பதை பற்றிய படமாம். அதற்காகத்தான் படத்திற்கு 'கொடி' என்ற பெயரை தேர்வு செய்துள்ளதாக படக்குழுவினர்.

தனுசின் வடசென்னை

வெற்றிமாறனின் 'வடசென்னை' படத்திலும் நடிக்கப்போகிறார் தனுஷ் இதுவும் அதிரடியான படமாக இருக்கும் என்று பேசப்படுகிறது. பிரபு சாலமன் படத்தை முடித்து கொடுத்து விட்டதுதான் கொடி, வடசென்னை படங்களில் கவனம் செலுத்தப்போகிறாராம் தனுஷ்.