அது இல்ல, இதுதான்.. சீன மொழியில் தனுஷின் சூப்பர் ஹிட் படம்.. தயாரிப்பாளர் தாணு விளக்கம்!

மிகப்பெரிய வெற்றி

டீஜே, கென் கருணாஸ், பிரகாஷ்ராஜ், பசுபதி, ஆடுகளம் நரேன், வெங்கடேஷ், அம்மு அபிராமி உள்ளிட்ட பலர் நடித்திருந்தனர். இந்தப் படம் பூமணியின் வெக்கை நாவலை அடிப்படையாகக் கொண்டு உருவாகி இருந்தது. அண்ணனை கொன்றவனை தம்பி பழிதீர்க்கும் கதை. கடந்த வருடம் அக்டோபர் மாதம் 4 ஆம் தேதி வெளியான இந்தப் படம், விமர்சன ரீதியாகவும், வசூல் ரீதியாகவும் மிகப்பெரிய வெற்றியை பதிவு செய்துள்ளது.

தெலுங்கு கன்னடம்

நடிகர் தனுஷுக்கு முதல் முறையாக, 100 கோடி வசூலை ஈட்டித் தந்த படம், இதுதான். இந்தப் படம், ரூ.150 கோடி வரை வசூல் செய்துள்ளதாகக் கூறப்படுகிறது. நீண்ட இடைவெளிக்குப் பிறகு மெகா ஹிட்டான தமிழ் படமும் இதுதான். 100 நாட்களை கடந்து ஓடிய இந்தப் படம் தெலுங்கில் நாரப்பா என்ற பெயரில் ரீமேக் ஆகிறது.

பிரியாமணி

தனுஷ் நடித்த கேரக்டரில் வெங்கடேஷ் நடிக்கிறார். ஶ்ரீகாந்த் அட்டலா இயக்கும் இதில் மஞ்சுவாரியர் கேரக்டரில், நடிகை பிரியாமணி நடிக்கிறார். தயாரிப்பாளர் தாணுவுடன் இணைந்து சுரேஷ் புரொடக்‌ஷன்ஸ் தயாரிக்கிறது. இந்நிலையில் இந்த படம் சீன மொழியில் ரீமேக் ஆக இருப்பதாக செய்திகள் வெளியாயின. சீன தயாரிப்பு நிறுவனம் ஒன்று, அசுரன் தயாரிப்பாளரிடம் பேச்சுவார்த்தை நடத்தி வருவதாகவும் கூறப்பட்டது.

உண்மையில்லை

இந்நிலையில் இதை மறுத்துள்ளார் அசுரன் தயாரிப்பாளர் கலைப்புலி எஸ்.தாணு. 'அசுரன் சீன மொழியில் ரீமேக் செய்ய இருப்பதாக வரும் செய்தியில் உண்மையில்லை. இது தொடர்பாக யாரும் எங்களை அணுகவில்லை. ஆனால் இந்தப் படத்தை சீன மொழியில் டப் செய்து வெளியிட உள்ளோம்' என்று தெரிவித்துள்ளார்.