யாருய்யா அந்த சுருளி.. மிரள விடும் தனுஷ்.. வெளியானது ஜகமே தந்திரம் டீசர்.. ஓடிடியில் தான் ரிலீஸ்!

லாக்டவுன் நேரத்தில்..

ரிலையன்ஸ் நிறுவனம் வழங்க, ஒய் நாட் ஸ்டுடியோஸ் நிறுவனம் இப்படத்தை தயாரித்துள்ளது. லாக்டவுனுக்கு முன்பே இப்படம் ரிலீஸுக்கு தயாராகிவிட்டது. இதனால் லாக்டவுன் நேரத்தில் ஓடிடி தளத்தில் ரிலீஸ் செய்யப்படும் என்று தகவல் வெளியானது.

நெட்பிளிக்ஸ் ஓடிடி தளம்

ஆனால் தனுஷ் ரசிகர்கள் படத்தை தியேட்டரில்தான் ரிலீஸ் செய்ய வேண்டும் என்று கோரிக்கை விடுத்து வந்தனர். இந்நிலையில் ஜகமே தந்திரம் படம் நெட்பிளிக்ஸ் ஓடிடி தளத்தில் வெளியாகும் என அதிகாரப்பூர்வமாக அறிவிக்கப்பட்டுள்ளது.

விரைவில் வருகிறார் சுருளி

இதுதொடர்பான அறிவிப்பை நெட்பிளிக்ஸ் தளம் தனது டிவிட்டர் பக்கத்தில் அறிவித்துள்ளது. அதில் போடு தகிட தகிட.. ரகிட ரகிட.. விரைவில் நெட்பிளிக்ஸுக்கு வருகிறார் சுருளி என பதிவிட்டுள்ளது. இதன் மூலம் ஜகமே தந்திரம் வெளியீட்டு உரிமையை நெட்பிளிக்ஸ் ஓடிடி தளம் கைப்பற்றியிருப்பது உறுதியாகியுள்ளது.

ஜகமே தந்திரம் டீசர்

இதனிடையே ஜகமே தந்திரம் படத்தின் டீசரை படத்தின் இயக்குநரான கார்த்திக் சுப்புராஜ் தனது டிவிட்டர் பக்கத்தில் வெளியிட்டுள்ளார். யார் அந்த சுருளி என்ற வசனத்துடன் தொடங்குகிறது டீசர்.

பொத்திட்டு போடா..

அதற்கு சுருளி ஒரு ஆபத்தான நொட்டோரியஸ் மற்றும் கேங்ஸ்டர் என்று பதில் குரலும் ஒலிக்கிறது. ஆக்ஷன் காட்சிகள் நிறைந்துள்ள இப்படத்தில் மிரட்டலாக வருகிறார் தனுஷ். இறுதியாக சரிடா.. பொத்திட்டு போடா என்று கூறுகிறார் தனுஷ்.

திக்குமுக்காடும் ரசிகர்கள்

ஜகமே தந்திரம் படத்தை தியேட்டரில் ரிலீஸ் செய்ய வேண்டும் என்று தனுஷின் ரசிகர்கள் போஸ்டர் அடித்து கோரிக்கை விடுத்த நிலையில் இன்று ஓடிடியில் ரிலீஸ் அறிவிப்பும், படத்தின் டீசரும் வெளியாகியிருப்பது ரசிகர்களை திக்குமுக்காடச் செய்துள்ளது.

55 கோடி ரூபாய்க்கு..

#JagameThandhiram என்ற ஹேஷ்டேக்கும் ட்ரென்ட்டாகி வருகிறது. இதனிடையே ஜகமே தந்திரம் திரைப்படம் கிட்டத்தட்ட 55 கோடி ரூபாய்க்கு நெட்பிளிக்ஸில் விற்கப்பட்டிருப்பதாகவும் தகவல் வெளியாகியுள்ளது.