“மாறன்“ பொல்லாத உலகம் பாடல்.. வேறலெவல் எனர்ஜி.. தனுஷின் நடனத்தால் மெர்சலான ரசிகர்கள் !

தனுஷ்

சினிமாவுக்கான முகமோ, தோற்றமோ இல்லை என்ற விமர்சனத்துடன் திரைத்துறையில் அறிமுகமானவர் தனுஷ். விமர்சனங்களை எல்லாம் படி கற்களாக்கி தனது திறமையால் மாஸ் ஹீரோ என்ற உச்சத்தை தொட்டு இருக்கிறார் தனுஷ். பாலிவுட் , ஹாலிவுட், டோலிவுட் என தனுஷின் புகழ் கொடி கட்டு பறந்துக்கொண்டு இருக்கிறது.

மாறன்

தனுஷ் தற்போது, துருவங்கள் 16 படத்தின் மூலம் சிறந்த இயக்குனராக அனைவராலும் அறியப்பட்ட கார்த்திக் நரேன் இயக்கத்தில் உருவாகி உள்ள மாறன் திரைப்படத்தில் நடித்துள்ளார். இதில் தனுஷுக்கு ஜோடியாக மாளவிகா மோகனன் நடித்துள்ளார். பேட்ட, மாஸ்டர் படங்களை தொடர்ந்து அவர் நடிக்கும் மூன்றாவது தமிழ்படம் இதுவாகும்.

முன்னணி நடிகர்கள்

மேலும் இப்படத்தில் ஸ்மிருதி வெங்கட், சமுத்திரக்கனி, போஸ் வெங்கட், கேகே, மாஸ்டர் மகேந்திரன் ஆகியோர் முக்கிய கதாபாத்திரங்களில் நடித்துள்ளனர். சத்யஜோதி பிலிம்ஸ் நிறுவனம் பிரம்மாண்டமாக தயாரித்துள்ள இப்படத்திற்கு ஜிவி பிரகாஷ்குமார் இசையமைக்கிறார்.

வேறமாறி டான்ஸ்

இந்நிலையில் மாறன் படத்தின் முதல் பாடலான பொல்லாத உலகம் பாடல் வெளியாகி உள்ளது. இந்த பாடலை தனுஷ் மற்றும் தெருகுரல் அறிவு பாடி உள்ளனர் என்பதும் ஜிவி பிரகாஷ் இசையமைப்பில் உருவான இந்த பாடலை விவேக் எழுதியுள்ளார். இந்த பாடலின் தொடக்கத்தில் புல்லட்டில் கெத்தா படுத்திருக்கும் தனுஷ், செம ஸ்டைலாக நடனமாடி உள்ளார். வழக்கமான தனுஷின் நடனத்தை குறை சொல்ல முடியாது ஆனால், வேற மாறி ஆடி அனைவரையும் அசரவைத்துள்ளார் தனுஷ்.

செம பிஸி

தனுஷ் மாறன்,வாத்தி,ராட்சசன் இயக்குனர் ராம்குமார் இயக்கத்தில் ஒரு படம், தி கிரே மேன்,செல்வராகவன் இயக்கத்தில் நானே வருவேன்,வெற்றிமாறனுடன் ஒரு படம், சன் பிக்சர்ஸ் தயாரிப்பில் திருச்சிற்றம்பலம், ஆயிரத்தில் ஒருவன் 2,சேகர் கம்முலா இயக்கத்தில் ஒரு படம் என ஒரு தனி லிஸ்டே வைத்துள்ளார் தனுஷ்.