வெளிநாட்டில் அஜித்தின் வலிமை பட வசூலை ஓரங்கட்டிய தனுஷின் திருச்சிற்றம்பலம்...ஆச்சரியத்தில் ரசிகர்கள்

3வது இடத்திற்கு முன்னேறிய திருச்சிற்றம்பலம்

ஆஸ்திரேலியா, ஃபிரான்ஸ், அமெரிக்கா உள்ளிட்ட நாடுகளிலும் நிலையான கலெக்ஷனை திருச்சிற்றம்பலம் படம் பெற்று வருகிறது. ஆஸ்திரேலியா மற்றும் பிரான்சில் அதிகம் வசூலித்த தமிழ் படங்களின் பட்டியலில் 3வது இடத்தை பிடித்துள்ளது திருச்சிற்றம்பலம்.

வலிமை வசூலை முந்திடுச்சா

லேட்டஸ்ட் தகவலின் படி, ஆஸ்திரேலியா மற்றும் ஃபிரான்சில் அஜித்தின் வலிமை பட வசூலை தனுஷின் திருச்சிற்றம்பலம் முந்தி உள்ளது. இந்த நாடுகளில் அதிகம் வசூல் செய்த தமிழ் படங்களின் பட்டியலில் கமலின் விக்ரம் முதலிடத்திலும், விஜய்யின் பீஸ்ட் படம் இரண்டாவது இடத்திலும் உள்ளன.

எவ்வளவு வசூல்

திருச்சிற்றம்பலம் படம் ஆஸ்திரேலியாவில் ரூ.1.7 கோடிகளையும், ஃபிரான்சில் 13,000 க்கும் அதிகமான என்ட்ரிகளையும் பெற்றுள்ளது. அமெரிக்காவிலும் வலிமை படத்தின் வசூலை திருச்சிற்றம்பலம் ஓரங்கட்டி இருப்பதாக தகவல் வெளியாகி உள்ளது.இதனால் அஜித் ரசிகர்கள் செம குஷியாகி உள்ளனர்.

விரைவில் 100 கோடி கிளப்

அதே சமயம் தமிழகத்தில் கடந்த 10 நாட்களில் திருச்சிற்றம்பலம் படம் 65 கோடிகளை வசூல் செய்துள்ளது. விரைவில் உலகம் முழுவதும் 100 கோடி வசூல் செய்த படங்களின் லிஸ்டில் திருச்சிற்றம்பலம் இணையும் என எதிர்பார்க்கப்படுகிறது.படக்குழு சார்பில் இதுவரை திருச்சிற்றம்பலம் படத்தின் வசூல் பற்றி எந்த தகவலையும் உறுதி செய்யவில்லை. அதே சமயம் மெகா பிளாக்பஸ்டர் என்று மட்டுமே குறிப்பிட்டு வருகின்றனர்.

குடும்ப ஆடியன்ஸ் கொண்டாடும் படம்

மித்ரன் ஜவஹர் இயக்கத்தில் உருவான திருச்சிற்றம்பலம் படம் இளைஞர்களை மட்டுமின்றி குடும்ப ஆடியன்சையும் வெகுவாக கவர்ந்துள்ளது. இது தான் படத்தின் வெற்றிக்கு முக்கிய காரணம் என சொல்லப்படுகிறது. 7 ஆண்டுகளுக்கு பின் இணைந்துள்ள தனுஷ் - அனிருத் கூட்டணியும் படத்திற்கு மிகப் பெரிய பலமாக உள்ளன.