ஐஸ்வர்யா ரஜினிகாந்த்திற்கு வாழ்த்து சொன்ன தனுஷ்... என்ன சொல்லி வாழ்த்தி இருக்காருன்னு பாருங்கள்

மகளை வாழ்த்திய ரஜினி

பயணி வீடியோவை இன்று தனது ட்விட்டர் பக்கத்தில் வெளியிட்ட ரஜினிகாந்த், 9 ஆண்டுகளுக்கு பிறகு மீண்டும் என் மகள் ஐஸ்வர்யா இயக்கி இருக்கும் பயணி இசையை வெளியிடுவதில் மகிழ்ச்சி. நீ எப்போதும் சிறப்பாக இருக்க விரும்புகிறேன். கடவுள் உன்னை ஆசீர்வதிப்பார். லவ் யூ என பதிவிட்டுள்ளார். ரஜினியின் இந்த பதிவிற்கு லைக்குகள் குவிந்து வருகிறது.

காத்து மேல காகிதம் போல

காத்து மேல காகிதம் போல எனத் துவங்கும் பயணி வீடியோ பாடலை மலையாளத்தில் ரஞ்சித் கோவிந்த், தெலுங்கில் சாகர், இந்தியில் அன்கித் திவாரி ஆகியோர் பாடி உள்ளனர். இந்த வீடியோவை பகிர்ந்து மோகன்லால், அல்லு அர்ஜுன் போன்ற திரை பிரபலங்கள் பலரும் சோஷியல் மீடியாவில் வாழ்த்து தெரிவித்து வருகின்றனர்.

தனுஷ் எப்படி வாழ்த்தி இருக்கார் பாருங்கள்

இதற்கு பலரும் வாழ்த்து தெரிவித்து வரும் நிலையில் நடிகர் தனுஷும் வாழ்த்து கூறி உள்ளார். பிரிவை அறிவித்த பிறகு ஒருவரை பற்றி மற்றவர் இதுவரை ஏதும் பேசாமல் இருந்த நிலையில், முதல் முறையாக ஐஸ்வர்யா ரஜினிகாந்த்திற்கு ட்விட்டரில் வாழ்த்து பதிவிட்டுள்ளார் தனுஷ். அதில், உங்களின் பயணி மியூசிக் வீடியோவிற்காக Congrats my friend ஐஸ்வர்யா தனுஷ் என குறிப்பிட்டுள்ளார்.

என்ன இப்படி வாழ்த்தி இருக்கார்

இதில் ஃபிரண்ட் என குறிப்பிட்டு தனுஷ் வாழ்த்தி உள்ளது தான் அனைவரின் கவனத்தையும் ஈர்த்துள்ளது. அதே சமயம் பிரிவை அறிவித்தாலும் தனது சோஷியல் மீடியா பக்கங்களில் இருந்து ஐஸ்வர்யா இதுவரை தனுஷின் பெயரை நீக்கவில்லை. பயணி டைட்டில் கார்டில் ஐஸ்வர்யா ரஜினிகாந்த் என போடப்பட்டிருந்தாலும், சோஷியல் மீடியா பக்கங்களில் தனது பெயரை ஐஸ்வர்யா கே தனுஷ் என்றே குறிப்பிட்டுள்ளார் ஐஸ்வர்யா. தனுஷின் இந்த வாழ்த்தை பார்த்து விட்டு, என்னது ஃபிரண்டா என ஆச்சரியத்துடன் நெட்டிசன்கள் கேட்டு வருகின்றனர்.