D43 ஃபர்ஸ்ட் லுக் ரிலீஸ் தேதி அறிவிப்பு… ரசிகர்களுக்கு டபுள் ட்ரீட்... இனி கொண்டாட்டம் தான் !

கார்த்திக் நரேன்

துருவங்கள் பதினாறு, மாஃபியா போன்ற படங்களை இயக்கிய கார்த்திக் நரேன் அடுத்ததாக தனுஷின் 43-வது படத்தை இயக்கி வருகிறார். இப்படத்தில் தனுஷுக்கு ஜோடியாக மாஸ்டர் பட நாயகி மாளவிகா மோகனன் நடித்து வருகின்றனர்.

படப்பிடிப்பில்

ஹாலிவுட் திரைப்படமான தி க்ரே மேன் படத்தின் படப்பிடிப்பை முடித்து விட்டு இந்தியா திரும்பிய தனுஷ், ஓய்வு ஏதும் எடுக்காமல் தனுஷ்43 திரைப்படத்தின் படப்பிடிப்பில் கலந்து கொள்ள ஹைதராபாத் சென்றார். தற்போது, இப்படத்தின் இறுதி கட்ட படப்பிடிப்பு விறுவிறுப்பாக நடைபெற்று வருகிறது.

நாளை ரிலீஸ்

இந்நிலையில், சத்யஜோதி பிலிம்ஸ் நிறுவனம் தனது ட்விட்டர் பக்கத்தில் தனுஷ்43 படத்தின் ஃபர்ஸ்ட் லுக் போஸ்டர் மற்றும் டைட்டிலுடன் நாளை தனுஷ் பிறந்த நாளை முன்னிட்டு காலை 11 மணிக்கு வெளியாகும் என்று அறிவித்துள்ளது. இதனால் தனுஷ் ரசிகர்கள் மகிழ்ச்சியில் உள்ளனர்.

செல்வராகவன் படத்தில்

இப்படத்தை அடுத்து தனுஷ் செல்வராகவன் இயக்கும் ஒரு படத்தில் நடிக்க உள்ளார். நானே வருவேன் படத்தின் டைட்டில் மற்றும் கதை தயாரிப்பாளர் தாணுவுக்கும், தனுஷூக்கும் பிடிக்காததால் கதையை மாற்றி இருக்கிறார் செல்வராகவன். அப்படத்திற்கு ராயன் என தலைப்பு வைக்கப்பட்டதாக தகவல்கள் வெளியாகின. இருப்பினும் இது உறுதிப்படுத்தப்படவில்லை.