முகப்பு

செய்திகள்

சென்னை : நடிகர் ஹரீஸ் கல்யாண் நடிப்பில் உருவாகியிருக்கும் தாராள பிரபு படத்தின் முன்னோட்டம் தற்போது வெளியாகி உள்ளது.

இந்தியில் 2012ம் ஆண்டு வெளியான விக்கி டோனர் படத்தின் அதிகாரபூர்வ ரீமேக் தான் இந்த தாராள பிரபு. இந்த படத்தில் ஹரீஸ் கல்யாண். பத்மஶ்ரீ விவேக், தான்யா ஹோப் ஆகியோர் முக்கிய வேடங்களில் நடித்து வருகின்றனர். கிருஷ்ணா மாரிமுத்து படத்தை இயக்கியுள்ளார். இப்படத்தின் முன்னோட்டம் வெளியாகியுள்ளது .

தாராள பிரபு படத்தின் டீசர் இதற்கு முன்பே வெளியிடபட்ட நிலையில் இப்போது தான் படத்தின் முன்னோட்டம் வெளியாகி நல்ல வரவேற்பை பெற்றிருக்கிறது. இந்த படத்திற்காக முதல் முறையாக 8 இசையமைப்பாளர்கள் ஒருங்கிணைந்து இசையமைத்து இருக்கின்றனர் என்பது குறிப்பிடத்தக்கது .

படத்திற்காக அனிரூத் ரவிசந்தர், பரத் சங்கர், இன்னோ கெங்கா, கபேர் வாசுகி, மேட்லி பூளுஸ், ஊர்கா தி பேண்ட், ஷேன் ரோல்டன் மற்றும் விவேக்-மெர்வீன் ஆகிய இசையமைப்பாளர்கள் இணைந்து பணியாற்றியுள்ளனர் .

நீண்ட நாட்களுக்கு பிறகு தமிழில் மது ஷாலினி.. ரேஞ்சரில் நடிக்கிறார் !

விக்கி டோனர் படம் 2012ல் வெளிவந்து மாபெரும் வெற்றி அடைந்த படம் , இந்த படத்தை ஹிந்தியில் ஆயுஸ்மான் குரானா நடித்திருப்பார். 8வருடங்கள் கழித்து தமிழில் ரீமேக் செய்கிறார்கள் அதிலும் தமிழில் மிக முக்கியமாக வளர்ந்து வரும் நடிகர் ஹரீஸ் கல்யாண் ரீமேக்கில் நடிக்கிறார். இதுவே படத்தின் மீது இருக்கும் எதிர்பார்பை எக்கசக்கமாக அதிகரித்து உள்ளது .

படத்தில் ஒரு டாக்டரின் கட்டாயத்தால் ஹீரோ ஸ்பெர்ம் டோனராக இருப்பார், அவரால் பலரும் குழந்தை பாக்யம் பெருவார்கள் இவரின் வாழ்வில் இதனால் எத்தனை நன்மைகள் நடந்தன எத்தனை தீமைகள் நடந்தன இறுதியில் என்ன என்பதை மிக சுவாரஸ்யமான படமாக ஹிந்தியில் எடுத்திருப்பார்கள் . தமிழிலும் அதே சுவாரஸ்யம் குறையாமல் எடுத்திருப்பார்களா என்ற எதிர்பார்ப்பு ரசிகர்களிடையே ஏற்பட்டிருக்கிறது .

இது போன்ற படங்கள் தமிழுக்கு மிகவும் புதுசாகும் ஆனால் படத்தில் பேசப்பட்டிருக்கும் விசயம் புதிதல்ல ஏனெனில் சமூகத்தில் பலரும் ஸ்பெர்ம் டோனர்களால் குழந்தை பெற்று தான் வருகிறார்கள். இதனால் கட்டாயம் மக்களை படம் சென்றடையும் என்று எதிர்பார்க்கப்படுகிறது .

தாராள பிரபு படம் நடிகர் ஹரீஸ் கல்யாணுக்கு மிக பெரிய திருப்புமுனை படமாக அமையும் என்று எதிர்பார்க்கப்படுகிறது. இந்த படத்தில் தடம் படத்தின் மாபெரும் வெற்றிக்கு பிறகு தான்யா ஹோப் நடித்திருக்கிறார். தாராள பிரபு படம் வரும் மார்ச்சில் வெளியாகும் என்று படக்குழு தெரிவித்துள்ளது.