நடிகர் அர்ஜுன் வெளியிடுகிறார்.. 'செம திமிரு' மூலம் தமிழுக்கு வருகிறார் துருவா சார்ஜா!

நடிகை மேக்னா ராஜ்

நடிகர் சிரஞ்சீவி சார்ஜா மறைந்தபோது அவர் மனைவியும் நடிகையுமான மேக்னா ராஜ், 4 மாத கர்ப்பிணியாக இருந்தார். அவர் தமிழில், காதல் சொல்ல வந்தேன், நந்தா நந்திதா உட்பட சில படங்களில் நடித்துள்ளார். மலையாளம், தெலுங்கு, கன்னடத்திலும் நடித்துள்ள மேக்னா ராஜுக்கு ஆண்குழந்தை பிறந்துள்ளது.

தமிழில் அறிமுகம்

மறைந்த சிரஞ்சீவி சார்ஜாவே மீண்டும் பிறந்துவிட்டதாக ரசிகர்களும் உறவினர்களும் கூறி வருகின்றனர். இந்நிலையில், துருவா சார்ஜா தமிழில் அறிமுகமாக இருக்கிறார். கன்னடத்தில் அவர் நடித்துள்ள படம், பொகுரு. இந்த படத்தில் ராஷ்மிகா, சம்பத், பவித்ரா லோகேஷ், ரவிஷங்கர் உட்பட பலர் நடித்துள்ளனர்.

தமிழுக்கு வருகிறார்

நந்தா கிஷோர் இயக்கியுள்ளார். ஷிவார்ஜூன், பிகே,கங்காதர் தயாரித்துள்ள இந்தப் படம் மூலம் துருவா சார்ஜா தமிழுக்கு வருகிறார். தமிழில் செம திமிரு என்ற பெயரில் வெளியாகும் இந்தப்படத்தை நடிகர் அர்ஜூன்
வெளியிடுகிறார்.

கவனம் செலுத்துவேன்

இதுபற்றி துருவா சார்ஜா கூறும்போது, இது அம்மா மகன் பாசத்தை மையமாக வைத்து உருவாகி இருக்கும் படம். தொடர்ந்து தமிழிலும் நடிக்கும் படி அர்ஜுன் உற்சாகப்படுத்தி வருகிறார். இனி தமிழிலும் கவனம் செலுத்துவேன். இந்தப் படம் இந்தி, தெலுங்கிலும் வெளியாகிறது என்று தெரிவித்துள்ளார்.