மாமனிதன் படத்தில் அஜித்தின் பிளாக்பஸ்டர் பட இசை...இதை யாராச்சும் கவனிச்சிங்களா?

முடங்கி கிடந்த மாமனிதன்

2018 ம் ஆண்டு துவங்கிய மாமனிதன் படத்தின் ஷுட்டிங் 60 நாட்களில் நடத்தி முடிக்கப்பட்டது. ஆனால் தயாரிப்பு நிறுவனத்திற்கு சீனு ராமசாமிக்கு இடையேயான பிரச்சனை காரணமாக படத்தை ரிலீஸ் செய்ய முடியாமல் இருந்தது. ஒரு கட்டத்தில் இந்த படம் கைவிடப்பட்டதாகக் கூட தகவல் பரவியது.

லேட்டா வந்தாலும் லேட்டஸ்டா வருவோம்

ஆனால் படத்தின் இசையமைப்பாளரான யுவன்சங்கர் ராஜா, தனது ஒய்எஸ்ஆர் ப்ரொடக்ஷன்ஸ் மூலம் தயாரிப்பு பொறுப்பை ஏற்று, படத்தை ரிலீஸ் செய்யும் வேலைகளில் இறங்கினார். கிட்டதட்ட 4 ஆண்டுகள் போராட்டத்திற்கு பிறகு இன்று மாமனிதன் படம் தியேட்டர்களில் ரிலீஸ் செய்யப்பட்டு, பாசிடிவ் விமர்சனங்களையும் பெற்றுள்ளது. ரசிகர்களுக்கும் மாமனிதன் படம் பிடித்திருக்கிறது.

நல்ல படங்களை மக்கள் ஆதரிப்பார்கள்

தங்களின் வாழ்க்கையோ எங்கோ ஒரு இடத்தில் மாமனிதன் படம் கனெக்ட் ஆவதாகவும், படத்தை பார்க்கும் போது இது போல் நமது வாழ்க்கையிலும் நடத்திருக்கிறதே...நாமும் இப்படி செய்திருக்கலாமோ என்ற எண்ணம் மனதில் வந்து போகிறது என்பதே சாமாணிய மக்களில் பெரும்பாலானவர்கள் சொல்லும் கமெண்ட்டாக உள்ளது. விஜய் சேதுபதியின் இந்த மாறுபட்ட அவதாரத்தை அனைவரும் பாராட்டி வருகிறார்கள்.

மாமனிதனில் மங்காத்தா படமா

இந்த சமயத்தில் மாமனிதன் படத்தில் அஜித்தின் 50வது படமான மங்காத்தா படத்தில் reference இருப்பதை ரசிகர்கள் கண்டுபிடித்து சுட்டிக்காட்டி வருகின்றனர். அதாவாது படத்தின் டை்டில் கார்டில் ஒய்எஸ்ஆர் ப்ரொடக்ஷன்ஸ் என்ற கார்டு போடும் போது, மங்காத்தா படத்தில் பிஜிஎம் இசை இடம் பெறுகிறது. மங்காத்தா படத்திற்கும் யுவன் தான் இசையமைத்திருந்தார். அவரின் இசை படத்திற்கு மிகப் பெரிய பிளஸ் ஆக அமைந்திருந்தது.

தனுஷ், சிவா கூட தான் செய்யுறாங்க

ஏற்கனவே தனுஷின் ஒன்டர்பார் மூவிஸ் தயாரிக்கும் படங்களில் வேலையில்லா பட்டதாரி படத்தின் பிஜிஎம் இசை இசைக்கப்பட்டு வருகிறது. இதே போல் சிவகார்த்திகேயனின் எஸ்கே ப்ரொடக்ஷன்ஸ் தயாரிக்கும் படங்களிலும் டைட்டில் கார்டு போடும் போது சிவகார்த்திகேயன் நடித்த டாக்டர் படத்தின் தீம் மியூசிக் பயன்படுத்தப்படுகிறது. அந்த வரிசையில் தற்போது யுவனின் தயாரிப்பு நிறுவனத்தின் படத்திற்கு மங்காத்தா தீம் மியூசிக்கை பயன்படுத்தி உள்ளனர்.

மாமனிதனின் பெரிய ப்ளஸ்

மாமனிதன் படத்தின் பிளஸ்சாக பார்க்கப்படும் விஷயங்கள் முக்கியமான ஒன்று, இந்த படத்தில் இளையராஜா மற்றும் அவரது மகன் யுவன்சங்கர் ராஜா முதல் முறையாக ஒன்றாக இணைந்து இசையமைத்துள்ளனர். கார்த்திக் ராஜாவும் கூட இந்த படத்தின் இசையை உருவாக்க இணைந்து பணியாற்றியதாக கூறப்படுகிறது.