விக்ரம் படம் பார்த்தா தியேட்டரில் தான் பார்க்கணும்...ஏன்னு காரணம் தெரியுமா ?

கமலின் ஆக்ஷன் அவதாரம்

விக்ரம் படத்தில் கமல், ஓய்வுபெற்ற போலீஸ் அதிகாரி ரோலில் நடித்துள்ளார். மொத்தமாக ஆக்ஷன் மோடிற்கு மாறிய கமலை இந்த படத்தில் பார்க்கலாம். இந்த படத்தில் கமல் நடித்துள்ள ரோலுக்கும், 1986 ல் அவர் நடித்து வெளிவந்த விக்ரம் படத்திற்கும் எந்த தொடர்பும் இல்லை. டை்டடில் மட்டுமே ஒன்றாக வைக்கப்பட்டுள்ளது. கச்சிதமாக ஆக்ஷன் படமாக இது அமைக்கப்பட்டுள்ளது. ஆக்ஷன் காட்சிகளில் பட்டையை கிளப்பி உள்ளதை போலவே, சென்டிமென்ட் காட்சிகளிலும் கமல், பிரம்மிக்க வைக்கும் நடிப்பை வெளிப்படுத்தி உள்ளார். மகாநடி படத்தில் எத்தனை செகண்டில், எத்தனை சொட்டு கண்ணீர் வர வேண்டும் என கேட்டு சாவித்ரி நடிப்பதை போல் ஒரு சீன் வைத்திருப்பார்கள். அப்படி நிஜமாகவே கமல் அழுவது போன்ற சீனில், 3 வது செகண்டில் கண்ணீர் கன்னத்தில் வழிய வேண்டும் என லோகேஷ் கேட்க, அதே போல் நடித்தாராம் கமல். செட்டில் உள்ள அனைவரும் இதை பார்த்து மிரண்டு போனார்களாம்.

வில்லனாக விஜய் சேதுபதி

விக்ரம் படத்தில் மெயின் வில்லனாக விஜய் சேதுபதி நடித்துள்ளார். முந்தைய எந்த படத்துடனும் ஒப்பிட முடியாத அளவிற்கு விஜய் சேதுபதியின் கேரக்டர் அமைக்கப்பட்டுள்ளதாம், அவரின் லுக்கும் வித்தியாசமாக அமைக்கப்பட்டுள்ளது. இந்த படத்தில் கமலுக்கும், விஜய் சேதுபதிக்கும் நடிப்பில் செம போட்டி நடந்துள்ளதாம். கமல்- விஜய் சேதுபதி இருவரும் ஒன்றாக வரும் காட்சிகளில் தியேட்டரில் அனல் பறக்குமாம்.

முக்கிய ரோலில் ஃபகத் ஃபாசில்

மலையாள நடிகரான ஃபகத் ஃபாசில், தற்போது தமிழ் ரசிகர்களின் ஃபேவரைட் நடிகராக மாறி வருகிறார். சூப்பர் டீலக்ஸ் படத்தில் துவங்கி, ஒவ்வொரு படத்திலும் ரசிகர்களை கவர்ந்து வருகிறார். விக்ரம் படத்திற்காக லோகேஷ் கனகராஜ், ஃபகத் ஃபாசிலிடம் பேசிய போது, உங்கள் டைரக்ஷன் எனக்கு ரொம்ப பிடிக்கும். கைதி படம் சூப்பராக இருந்தது. உங்கள் படத்தில் நடிக்கிறேன். ஆனால் ஹீரோவாக நடிக்க சொல்லாதீர்கள் என கேட்டுள்ளார். இருந்தாலும் விக்ரம் படத்தில் மிக முக்கியமான ரோலில் ஃபகத் ஃபாசில் நடித்திருக்கிறார். இவருடைய ரோல் தான் கதையை அடுத்தடுத்த கட்டத்திற்கு நகர்த்தி செல்லுமாம். இவர் தவிர நரேன், காளிதாஸ் ஜெயராம், செம்பன் வினோத் என பல கேரக்டர்கள் பலத்திற்கு பெரிய பலம் சேர்த்துள்ளதாம்.

லோகேஷ் கனகராஜ் டைரக்ஷன்

கமலின் அதிதீவிர ரசிகர்கள் லோகேஷ் கனகராஜ். அதனால் அவர் கமலை வைத்து எப்படி படம் இயக்கி இருக்கிறார் என்பதே படத்திற்கு மிகப் பெரிய எதிர்பார்ப்பாக உள்ளது. ஏற்கனவே கைதி, மாஸ்டர் படங்களில் லோகேஷின் டைரக்ஷன் மீது அதிக எதிர்பார்ப்பில் ரசிகர்கள் இருப்பதால் விக்ரம் படத்தில் அந்த எதிர்பார்ப்பு இரண்டு மடங்காகி உள்ளது. ஒவ்வொரு கமல் ரசிகரையும் கவரும் விதமாக நிச்சயம் இந்த படத்தை எடுத்திருப்பார் என அனைவரும் நம்புகிறார்கள்.

அனிருத்தின் இசை

சபாஷ் நாயுடு, இந்தியன் 2 என கமலின் இரண்டு படங்கள் தாமதமாகி விட்டதால் கமலுடனண அனிருத் இணைந்துள்ள முதல் படம் விக்ரம். அனிருத் இதில் தனது பெஸ்ட்டை கொடுத்து ரசிகர்களிடம் சபாஷ் வாங்கி உள்ளார். பாடல்களில் சபாஷ் வாங்கியவர் பேக்கிரவுண்ட் இசையில் என்ன செய்திருக்கிறார் என்பதை பார்க்க ரசிகர்கள் ஆர்வமாக காத்திருக்கிறார்கள். விக்ரம் படத்திற்காக ஸ்பெஷல் டிராக் ஒன்றை அனிருத் அமைத்துள்ளாராம். அதனால் அந்த மிரட்டல் இசையை தியேட்டரில் கேட்டால் தான் நன்றாக இருக்குமாம்.