வலிமை எத்தனை மணிக்கு ரிலீஸ் தெரியுமா... லீக்கான போனி கபூரின் செம மாஸ்டர் பிளான்

முதல் அஜித் படம் வலிமை

தமிழ், தெலுங்கு, கன்னடம், இந்தி ஆகிய நான்கு மொழிகளில் ஒரே நேரத்தில், உலகின் பல நாடுகளிலும் பிரம்மாண்டமாக ரிலீஸ் செய்யப்பட உள்ள முதல் அஜித் படம் வலிமை தான். ரிலீசுக்கு முன்பே இருமடங்கு லாபத்தை சம்பாதித்து விட்ட வலிமை படம் ரிலீசான பிறகு எத்தனை கோடிகளை சம்பாதிக்க உள்ளது என்பதை பார்க்க அனைவரும் ஆர்வமாக காத்திருக்கிறார்கள்.

ப்ரொமோஷனே இல்லாமல் மாஸ்

அதுவும் நீண்ட இடைவேளைக்கு பிறகு தியேட்டர்களில் 100 சதவீதம் பார்வையாளர்களுடன் ரிலீசாக உள்ள பெரிய நடிகரின், பெரிய பட்ஜெட் படம் என்பதால் முதல் நாள் வசூல் எவ்வளவு இருக்கும் என்ற த்ரில்லிங்கான உணர்வு அனைவரிடமும் நிலவுகிறது. எந்த வித ப்ரொமோஷனும் இல்லாமல், ரசிகர்களின் கிரேசை மட்டும் வைத்து வலிமை படம் ரிலீஸ் செய்யப்பட உள்ளது.

எத்தனை மணிக்கு வலிமை ரிலீஸ்

லேட்டஸ்ட் தகவலின் படி, வலிமை படம் தமிழகத்தில் மட்டும் 700 முதல் 1000 தியேட்டர்களில் ரிலீஸ் செய்யப்பட உள்ளதாம். அஜித்தின் வியாழக்கிழமை சென்டிமென்ட் படி ரிலீஸ் செய்யப்பட உள்ள வலிமை படத்தின் ஃபஸ்ட் டே ஃபஸ்ட் ஷோ அதிகாலை 4 மணிக்கு திரையிடப்பட உள்ளதாக பல மாதங்களுக்கு முன்பே தகவல் வெளியாகி விட்டது. ஆனால் வலிமை படத்தின் மீதான எதிர்பார்ப்பு தற்போது பல மடங்கு அதிகரித்திருப்பதால், படத்தின் ரிலீஸ் பற்றி மற்றொரு மாஸ்டர் பிளானை வகுத்துள்ளாராம் தயாரிப்பாளர் போனி கபூர்.

போனி கபூரின் மாஸ்டர் பிளான் இதுதானா

ஏற்கனவே திட்டமிட்டபடி ஃபஸ்ட் ஷோவை அதிகாலை 4 மணிக்கு திரையிட ஒரு பிளான் இருந்தாலும், ரசிகர்களின் ஆர்வத்தை பார்த்து நள்ளிரவு 1 மணிக்கு ஃபஸ்ட் ஷோவையும், 4 மணிக்கு இரண்டாவது ஷோவையும் திரையிடலாமா என போனி கபூர் ஆலோசித்து வருகிறாராம். காலை 4 மணி ஷோ உறுதியாகி விட்ட நிலையில், ஒரு மணி ஷோ பற்றி இதுவரை இறுதி முடிவு எடுக்கப்படவில்லையாம்.

Recommended Video

Ajith Sir இதை சொல்லும்போது வெக்கமா வரும் !Valimai Villain First Exclusive Tamil Interview

தியேட்டர் எல்லாம் ஹவுஸ்ஃபுல்

இதுவரை கிடைத்த தகவலின் படி தமிழகத்தில் வலிமை ரிலீசாகும் அத்தனை தியேட்டர்களிலும் முதல் நாள் ஷோவிற்கான டிக்கெட்டுகள் அனைத்தும் விற்று தீர்ந்து விட்டதாம். அத்தனை தியேட்டர்களிலும் ஹவுஸ்ஃபுல் போர்டுடன் வலிமை ரிலீசாக உள்ளதாம். இந்த தகவல் அஜித் ரசிகர்களை அளவில்லாத உற்சாகத்தை தந்துள்ளதாம்.