தொடர்ந்து தெலுங்கு நடிகரை இயக்கும் ஏ ஆர் முருகதாஸ்!

பான் இந்தியா இயக்குனராக

நடிகர் விஜய்யுடன் தொடர்ந்து மூன்று படங்களில் பணியாற்றி ஹாட்ரிக் வெற்றிகளை கொடுத்த இயக்குனர் ஏ ஆர் முருகதாஸ் இப்பொழுது பான் இந்தியா இயக்குனராக வலம் வந்து கொண்டுள்ளார். அஜித் நடிப்பில் வெளியான தீனா திரைப்படத்தை இயக்கியதன் மூலம் தமிழ் சினிமாவில் இயக்குனராக அறிமுகமானார்.முதல் படமே இவருக்கு வெற்றிப்படமாக அமைந்தது அதைத் தொடர்ந்து விஜயகாந்த் நடிப்பில் வெளியான ரமணா இவருக்கு மேலும் நற்பெயரை பெற்றுத் தந்தது.

முற்றிலும் வேறு ஸ்டைலில்

விஜய் பல ஆக்சன் திரைப்படங்களில் நடித்திருந்தாலும் இன்றுவரை துப்பாக்கி விஜய்யின் திரை வாழ்க்கையில் மிகப்பெரிய மைல் கல்லாக உள்ளது விஜய்யை முற்றிலும் வேறு ஸ்டைலில் துப்பாக்கி படத்தில் காட்டி இருப்பார் முருகதாஸ். இந்த படம் விஜய்க்கு 100 கோடி பாக்ஸ் ஆபீஸுக்கு பிள்ளையார் சுழி போட்டு துவக்கி வைத்தது. துப்பாக்கி கொடுத்த மாபெரும் வெற்றியை தொடர்ந்து விஜய், ஏ ஆர் முருகதாஸ் கூட்டணி கத்தி, சர்க்கார் என தொடர்ந்து ஹிட் கொடுத்து வந்தனர். இந்த நிலையில் மீண்டும் இருவரும் புதிய படத்தில் இணைய உள்ளதாகவும் கூறப்படுகிறது.

தீவிர பேச்சுவார்த்தை

பெரும் எதிர்பார்ப்பில் சூப்பர் ஸ்டார் ரஜினிகாந்தின் நடிப்பில் வெளியான தர்பார் திரைப்படம் ஏஆர் முருகதாஸுக்கு பெரிதாக கைகொடுக்கவில்லை. இந்த படம் சுமாரான வெற்றியை மட்டுமே பெற்றது. இந்த நிலையை அடுத்ததாக விஜய்யுடன் மீண்டும் கூட்டணி அமைக்க தீவிர பேச்சுவார்த்தை நடைபெற்றுக் கொண்டுள்ளதாக கூறப்படும் நிலையில் மற்றுமொரு சுவாரசியத் தகவல் தற்போது வெளியாகி உள்ளது

ராம் உடன் கூட்டணி

சமீபகாலமாகவே தமிழ் இயக்குநர்கள் பலரும் தெலுங்கு திரைப்படத் துறையை நோக்கி படையெடுக்கின்றனர். அந்த வகையில் லிங்குசாமி மற்றும் ஷங்கர் என முன்னணி இயக்குனர்கள் பலர் தெலுங்கில் நேரடி படத்தை இயக்கி வருகின்றனர் . இவர்களைத் தொடர்ந்து இயக்குனர் ஏ ஆர் முருகதாஸ் அடுத்ததாக தெலுங்கு நடிகர் ராமுடன் இணைய உள்ளார் . ஏற்கனவே லிங்குசாமி ராம் ஹீரோவாக நடிக்கும் தி வாரியர் என்ற படத்தை தெலுங்கில் இயக்கி வருகிறார். அதைத் தொடர்ந்து ஏ ஆர் முருகதாஸ் நடிகர் ராம் உடன் இணைந்து புதிய படத்தை இயக்க உள்ளாராம் . தமிழ் மற்றும் தெலுங்கு என இரு மொழிகளிலும் இப்படத்தை உருவாக்க திட்டமிடப்பட்டுள்ளது.