உடல் நலக்குறைவு.. சிகிச்சை பெற்றுவந்த பிரபல இயக்குனர் காலமானார்.. திரையுலகினர் இரங்கல்!

புடல் கிருஷ்ணமூர்த்தி

இந்நிலையில் பிரபல கன்னட நடிகரும் இயக்குனருமான புடல் கிருஷ்ணமூர்த்தி உடல்நலக் குறைவு காரணமாகக் காலமானார். கடந்த சில நாட்களாக வயது முதிர்வால் ஏற்படும் பிரச்னைகளுக்கு மருத்துவமனையில் சிகிச்சைப் பெற்று வந்தார். சிகிச்சை பலனின்றி அவர் நேற்று காலமானார்.

இறுதிச் சடங்கு

அவருக்கு மனைவி தனலட்சுமி, மகன் விஸ்வஸ், மகள் பாவனா ஆகியோர் உள்ளனர். அவருடைய இறுதிச் சடங்கு பெங்களுரில் நேற்று நடந்தது. இதில் அவருடைய உறவினர்கள் மற்றும் சினிமா துறையினர் கலந்துகொண்டனர். கிருஷ்ணமூர்த்தியின் மறைவை அடுத்து கன்னட சினிமா பிரபலங்கள் இரங்கல் தெரிவித்து வருகின்றனர்.

சீதாஞ்சனேயா

மறைந்த கிருஷ்ணமூர்த்தி, பழம்பெரும் கன்னட இயக்குனர் சித்தலிங்கையாவிடம் உதவி இயக்குனராக பணியாற்றியவர். பின்னர், எரடு தண்டேயா மெலே, ஒலவினா கனிகே, சீதாஞ்சனேயா, சுபலங்கா, லாஞ்சா சாம்ராஜ்யா உட்பட பல சிறந்தப் படங்களை இயக்கியுள்ளார்.

சிரஞ்சீவி சார்ஜா

பின்னர் கேரக்டர் ரோல்களில் நடிக்கத் தொடங்கினார். புரொபசர், ஶ்ரீகந்தா, அரிஷினா கும்குமா, பல் நன் மகா, நிர்ணயா உட்பட பல படங்களில் அவர் நடிப்பு கவனிக்கப்பட்டது. கன்னட சினிமாவில் சிரஞ்சீவி சார்ஜா, ராக்லைன் சுதாகர், கொடக்கனுர் ஜெயகுமார், சந்தம்மா உட்பட சிலர் இந்த வருடம் உயிரிழந்துள்ளனர்.