முதல்வரான ஸ்டாலின்.. ஜோசியமெல்லாம் ஃபிராடுன்னு இப்போ அதிகாரப்பூர்வமாயிடுச்சு.. பிரபல இயக்குநர்!

புதிய அரசுக்கு வாழ்த்து

அவர்களுக்கு ஆளுநர் பன்வாரிலால் புரோஹித் பதவி பிரமாணம் செய்து வைத்தார். புதிதாக பதவியேற்றுள்ள தமிழக அரசுக்கு பலரும் வாழ்த்து தெரிவித்து வருகின்றனர்.

ஜோசியம் ஃபிராடு

இந்நிலையில் பிரபல இயக்குநரான சிஎஸ் அமுதன் சர்ச்சைக்குரிய வகையில் ஒரு டிவிட்டை பதிவிட்டுள்ளார். அதாவது ஜோசியம் ஃபிராடு என்பது தற்போது அதிகாரப்பூர்வமாகிவிட்டது என தெரிவித்துள்ளார்.

ஜாதகத்தில் அமைப்பில்லை

ஸ்டாலினுக்கு முதல்வராகும் அமைப்பு அவரது ஜாதகத்தில் இல்லை என அதிமுக அமைச்சர்களே பலமுறை கூறியுள்ளனர். இதேபோல் பாஜகவினரும் ஸ்டாலின் ஜாதகத்தில் முதல்வராகும் ராசியில்லை.

ஜாதகத்தை பொய்யாக்கிய ஸ்டாலின்

ஆகையால் தமிழக முதல்வராக முடியாது என தெரிவித்து வந்தனர். இந்நிலையில் ஸ்டாலின் தற்போது முதல்வராகி, ஜாதகத்தை பொய்யாக்கியுள்ளார். இதனை பார்த்த இயக்குநர் சிஎஸ் அமுதன் இப்படி ஒரு டிவிட்டை பதிவிட்டுள்ளார்.

இயக்குநர் சிஎஸ் அமுதன்

திமுக தேர்தல் விளம்பரங்கள் உட்பட பிரச்சாரத்திற்கான அனைத்து பணிகளையும் இயக்குநர் சிஎஸ் அமுதன் தான் செய்து தந்தார். இதற்காக திமுக வேட்பாளராக வெற்றி பெற்ற பிடிஆர் தியாகராஜன் அவருக்கு வாழ்த்து தெரிவித்திருந்தார்.

கேலி செய்து படம்

இயக்குநர் சிஎஸ் அமுதன், மிர்ச்சி சிவாவை வைத்து தமிழ் படம் என்ற படத்தை இயக்கியதன் மூலம் இயக்குநராக அறிமுகமானார். இது பெரும் வெற்றிப்படமாக அமைந்தது. இதனை தொடர்ந்து சில வருடங்கள் கழித்து வெளியான இரண்டாம் பாகமும் வெற்றி பெற்றது குறிப்பிடத்தக்கது.