Don't Miss!
- Sports RR vs DC : எமோஷனலாக இருக்கேன்.. சஞ்சு சாம்சன் உள்ளே வந்து ஒன்றை சொன்னார்.. ரியான் பராக் நெகிழ்ச்சி!
- News சென்னையில் பிரபல ‛பப்’ மேற்கூரை இடிந்து விழுந்து விபத்து.. மெட்ரோ பணிகள் காரணமா! பகீர் தகவல்
- Automobiles கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Lifestyle முட்டை வாங்க போறீங்களா? இப்படி பார்த்து வாங்குங்க... இல்லனா பல ஆபத்துக்களை சந்திக்க வேண்டியிருக்கும்...!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
வாரிசு..துணிவு..இரண்டுமே நல்லா ஓடணும்...எச்.வினோத்தின் சுவாரசிய பேட்டி!
சென்னை: இயக்குநர் ஹெச்.வினோத் இயக்கத்தில் அஜித் நடித்திருக்கும் துணிவு படம் பொங்கல் பண்டிகையை முன்னிட்டு ஜனவரி 11ந் தேதி வெளியாக உள்ளது.
துணிவு படத்தின் டிரைலரைப் பார்த்து வியந்து போன அஜித் ரசிகர்கள் இந்த பொங்கலை தல பொங்கலாக கொண்டாட காத்திருக்கிறார்கள்.
இப்படத்தில் மலையாள நடிகை மஞ்சுவாரியர், சமுத்திரகனி, ஜான் கோக்கன், ஜி.எம்.சுந்தர், மகாநதி சங்கர், யோகி பாபு, வீரா,பிரேம் ஆகியோர் நடித்துள்ளனர். இவர்களின் கதாபாத்திர பெயர்களையும் படக்குழு கடந்த வாரம் வெளியிட்டது.
அஜித்தை பின்பற்றும் ஹெச்.வினோத்...இப்படியே போனால் வலிமை வலுவிழந்துவிடும்!
எதிர்பார்ப்பை பூர்த்தி செய்யும்
துணிவு படத்திற்கு தணிக்கைக்குழு யு/ஏ சான்றிதழ் கொடுத்துள்ளது. படத்தை தியேட்டரில் பார்க்க அஜித் ரசிகர்கள் மட்டுமில்லாமல் சினிமா ஆர்வலர்களும் காத்திருக்கிறார்கள். துணிவு திரைப்படம் ரசிகர்களின் எதிர்பார்ப்பை நிச்சயம் பூர்த்தி செய்யும் என இயக்குநர் ஹெச். வினோத் அளித்துள்ள பேட்டியில் தெரிவித்துள்ளார்.
அலப்பறை கொடுத்த ரசிகர்கள்
தொடர்ந்து பேசிய எச் வினோத், போனி கபூரின் அப்பா ஒரு தயாரிப்பாளர், அவரின் ஒட்டுமொத்த குடும்பத்தினரும் சினிமா தான் ஆனால், அவர் அஜித்தை வைத்து படம் எடுத்த பிறகு தான், அஜித்தின் ரசிகர்கள் ட்விட்டரில் போனி கபூரை மிகப்பெரிய அளவில் டிரெண்டாக்கிவிட்டார்கள். இதை போனி கபூர் உண்மையில் ரசித்து பல முறை என்னிடம் கூறியிருக்கிறார்.
அடிக்கடி அப்டேட் கேட்டா எப்படி?
ஒரு படத்திற்கு அப்டேட் கொடுக்க வேண்டும் என்றால் ஃபர்ஸ்ட் லுக், பாடல், டீசர், டிரைலர், மோஷன் போஸ்டர் இவை தான் அப்டேட் என்று சொல்லுவார்கள். ஆனால், படத்தின் ஷூட்டிங் தொடங்கியதுமே அப்டேட் கொடுத்துக்கொண்டே இருந்தால், அனைத்து அப்டேட்டும் வெளியாகிவிடும், பிறகு படம் வெளியாகும் போது என்ன அப்டேட் கொடுக்க முடியும். இதுதான் வலிமை படத்திற்கு நடந்தது, ரசிகர் அப்டேட் கேட்டு கொஞ்சம் கொஞ்சமா பல காட்சிகளை அப்டேட்டாக கொடுத்துவிட்டோம், கடைசியில் தியேட்டரில் கொஞ்சம் காட்சியைத் தான் பார்க்க முடிந்தது. இதனால், படத்தின் முக்கியமான விஷயங்களை ரசிகர்கள் கேட்காமல் இருப்பது நல்லது.
இரண்டு படமும் நல்லா ஓடணும்
விஜய்யின் வாரிசு, அஜித்தின் துணிவும் ஒரே நாளில் வெளியாவது குறித்த கேள்விக்கு பதிலளித்த எச் வினோத், இரண்டு பெரிய நடிகர்களின் படங்களுக்கு ஒரே நேரத்தில் வெளியாவது இயல்பான ஒன்றுதன். இரண்டு படமும் நல்லா ஓடணும், இரண்டு படங்களும் Win Win சூழலாக அமைய வேண்டும் என்பதே என்னுடைய ஆசை என்றார்.
சவாலானது
மேலும், டாப் ஹீரோவை வைத்து படத்தை இயக்கும் போது, சவாலாகத்தான் இருக்கும், ஏன் என்றால், ரசிகர்களின் எதிர்பார்ப்பை பூர்த்தி செய்ய வேண்டும் என்ற பிரஷர் அதிகமாகவே இருக்கும். கதைக்குள் சில மாற்றங்களை செய்ய வேண்டியிருக்கும் அது ஓவர் பில்டப்பாக மாறிவிடக் கூடாது என்பதால் கவனமாக கையாள வேண்டும். எங்களுக்கு கொடுக்கப்பட்ட காலத்தில் என்ன செய்ய முடியுமோ அதை செய்திருக்கிறோம்.