அருண் விஜய் படத்தில் 'அருவா' இல்லாத எமோஷனல் ஆக்‌ஷன்.. வேற ஸ்டைலில் டைரக்டர் ஹரி!

கருத்து வேறுபாடு

படத்தை ஸ்டூடியோ கிரீன் சார்பில் ஞானவேல் ராஜா தயாரிப்பதாக இருந்தது. படத்தின் முதற்கட்டப் பணிகள் நடைபெற்று வந்த நிலையில், இயக்குனர் ஹரி- நடிகர் சூர்யா இடையே கருத்து வேறுபாடு ஏற்பட்டதாகக் கூறப்படுகிறது. இதனால் அந்தப் படம் தொடங்குவதற்கு முன்பே நிறுத்தப்பட்டது.

தயாரிப்பாளர்

இதையடுத்து அருண் விஜய் நடிக்கும் படத்தை ஹரி இயக்க இருப்பதாகச் செய்திகள் வெளியாகி வந்தன. ஆனால், அதிகாரபூர்வமாக அதுபற்றி தகவல் வெளிவரவில்லை. அதோடு இந்த படம் அதிக பட்ஜெட்டை கொண்டது என்பதால் தயாரிப்பாளர் கிடைப்பதில் சிக்கல் ஏற்பட்டதாகவும் கூறப்பட்டது.

ட்ரம்ஸ்டிக்ஸ் நிறுவனம்

இந்நிலையில், ட்ரம்ஸ்டிக்ஸ் புரொடக்‌ஷன்ஸ் நிறுவனம் இந்தப் படத்தை தயாரிப்பதாக அறிவித்தது. அருண் விஜய் நடிப்பில் அதிகப் பொருட்செலவில் தயாராகும் படமாக இது இருக்கும் எனவும் கூறியிருந்தது. ஷூட்டிங் 2021 ஆம் ஆண்டு பிப்ரவரி மாதம் தொடங்கி, ஆகஸ்ட்டில் படத்தை வெளியிட முடிவு செய்துள்ளனர்.

அருவா கதையல்ல

இதற்கிடையே இது சூர்யாவுக்காக உருவாக்கப்பட்ட அருவா படத்தின் கதை என்றும் அதில்தான் அருண் விஜய் நடிப்பதாகவும் செய்திகள் வெளியாகின. ஆனால், அதை ஹரி தரப்பு மறுத்துள்ளது. 'அது பெரிய ஹீரோவுக்கான கதை. இந்தப் படம் அதுவல்ல என்றும் இது அருண் விஜய்க்காக உருவாக்கப்பட்ட கதை' என்றும் தெரிவித்துள்ளனர்.

எமோஷனல் காட்சி

மேலும், இது ஆக்‌ஷனுக்கு அதிக முக்கியத்துவம் கொண்ட கதை இல்லை. எமோஷனல் அதிகமாக கொண்ட குடும்ப கதை என்றும் கதையில் இடம்பெறும் காமெடி காட்சி போல, ஆக்‌ஷன் காட்சியும் இடம் பெற்றிருக்கும் என்றும் அதிக ஆக்‌ஷன் இருக்காது எனவும் கூறப்படுகிறது.

தெலுங்கு மார்க்கெட்

இதன் ஷூட்டிங் காரைக்குடியில் தொடங்கி, நாகர்கோயில், தூத்துக்குடி, ராமநாதபுரம் பகுதிகளில் நடக்க இருக்கிறது. இந்தப் படம் தெலுங்கிலும் உருவாக இருக்கிறது. இதன் மூலம் அருண் விஜய்க்கு தெலுங்கிலும் பெரிய மார்க்கெட்டை உருவாக்க இயக்குனர் ஹரி திட்டமிட்டுள்ளார்.