சிவகார்த்திகேயனுடன் கூட்டணிக்கு ரெடியான இயக்குநர் மிஷ்கின்: இது கொஞ்சம் புது அப்டேட்டா இருக்குதே!

கோலிவுட்டின் கமர்சியல் ஹீரோ

சின்ன திரையில் இருந்து வெள்ளி திரைக்குள் அடியெடுத்து வைத்த சிவகார்த்திகேயனின் பெரிய பலமே, அவரது காமெடியும் இயல்பான உடல்மொழியும் தான். அதனால் கமர்சியல் படங்களில் மட்டுமே தொடர்ந்து நடித்து வரும் அவர், எப்போது புதிய கதைக்களங்கள் கொண்ட படங்களில் நடிப்பார் என ரசிகர்கள் எதிர்பார்த்து இருந்தனர்.

மாவீரன் அவதாரம்

சமீபத்தில் வெளியான 'டான்' படத்தை சூப்பர் ஹிட்டாக கொடுத்த சிவகார்த்திகேயன், தற்போது 'பிரின்ஸ்' படத்தில் நடித்து வருகிறார். அனுதீப் இயக்கும் இந்தப் படமும் ஜாலியான ஸ்டோரியாக இருக்கும் என சொல்லப்படுகிறது. இதனைத் தொடர்ந்து அடுத்ததாக தேசிய விருது இயக்குநர் மடோன் அஸ்வின் இயக்கும் 'மாவீரன்' படத்தில் கமிட் ஆகியுள்ளார். இந்த இரண்டு படங்களுமே தமிழ், தெலுங்கில் உருவாகிறது.

அதிதியுடன் டூயட் பாட ரெடி

'மாவீரன்' படத்தின் பூஜை சென்னையில் நேற்று மிக எளிமையாக நடைபெற்றுள்ளது. இதில், பிரம்மாண்ட இயக்குநர் சங்கரும் கலந்துகொண்டார். அதற்கு காரணம், விருமன் மூலம் சினிமாவில் அறிமுகமாகும் அவரது மகள் அதிதி தான், 'மாவிரன்' படத்திலும் சிவகார்த்திகேயனுக்கு ஜோடியாகிறார். புதிய காம்போவான சிவகார்த்திகேயன் - அதிதியின் கெமிஸ்ட்ரி எப்படி இருக்கும் என, விரைவில் திரையில் பார்க்கலாம்.

இயக்குநர் மிஷ்கினுடன் புதிய கூட்டணி

இந்நிலையில், 'மாவீரன்' படத்தில் நடிக்கும் மற்ற நடிகர்கள் குறித்த அப்டேட்கள் எதுவும் இன்னும் வெளியாகவில்லை. விது அயன்னா ஒளிப்பதிவாளராகவும், பிலோமின் ராஜ் எடிட்டராகவும், பரத் சங்கர் இசையமைப்பாளராகவும் கமிட் ஆகியுள்ளனர். இதனிடையே இந்தப் படத்தில் பிரபல இயக்குநர் மிஷ்கினும் நடிக்கவுள்ளதாகக் கூறப்படுகிறது.

சிவகார்த்திகேயனுக்கு வில்லனாகிறாரா?

'மாவீரன்' படத்தில் மிஷ்கின் நடிப்பதுக் குறித்து இதுவரை எந்த அறிவிப்பும் வெளியாகவில்லை. முதலில் இது வதந்தி எனக் கூறப்பட்டாலும், இப்போது மிஷ்கின் நடிப்பது உறுதியாகியுள்ளதாகத் தெரிகிறது. அதனால், விரைவில் 'மாவீரன்' படத்தில் மிஷ்கின் நடிப்பது குறித்து அறிவிப்பு வெளியாகலாம் என எதிர்பார்க்கப்படுகிறது. மேலும், மிஷ்கின் சிவகார்த்திகேயனுக்கு வில்லனாக நடிக்கலாம் எனவும் தெரிகிறது.