‘நீதான் என் குட்டிக் கங்காரு’... பாராட்டிய சாமி... பிரியங்கா ஹேப்பி அண்ணாச்சி!

குட்டி கங்காரு...

இப்படத்தில் நாயகனின் தங்கையாக நடித்துள்ள பிரியங்கா, கதாபாத்திர தேர்வுக்காக நடித்த போதே, கிளிசரின் இல்லாமல் அழுது சாமியின் பாராட்டை வாங்கி விட்டாராம். அப்போதே, ‘நீ தான் குட்டி கங்காருவா நடிக்கிறே' என சாமி கூறிவிட்டாராம்.

முள்ளும் மலரும் மாதிரி...

படத்தில் தங்கை கேரக்டர் தான் என்றாலும், அது முள்ளும் மலரும் படத்தில் ஷோபா நடித்ததைப் போல் பவராக இருக்கும் என சாமி கூறினாராம். அதனால், தங்கையாக நடிக்காதே என்ற தோழிகளின் அறிவுரையை மீறி இப்படத்தில் பிரியங்கா நடித்துள்ளாராம்.

தேசிய விருது...

படப்பிடிப்பில் ஒருநாள் பிரியங்கா நடித்த ஒரு காட்சியைப் பார்த்து, ‘நான் எதிர் பார்த்ததை விட நல்லா பண்ணிட்டே' என சாமி பாராட்டினாராம். ‘தனக்கு அப்போதே தேசிய விருது கிடைத்த மகிழ்ச்சி. படத்தின் வெற்றி அடுத்த விருதாக அமையும் என்று நம்புகிறேன்' என பிரியங்கா தெரிவித்துள்ளார்.

நம்பிக்கை...

பிரியங்கா ஏற்கனவே அகடம் என்ற கின்னஸ் சாதனைப் படத்தில் நடித்தவர். இந்நிலையில் கங்காரு படமும் தனக்கு தமிழில் நடிப்புக்காக நல்ல பெயரை வாங்கித் தரும் என பிரியங்கா நம்புகிறாராம்.