கொல்லிமலை பின்னணியில் உருவான காமெடி படம் ... ‘ சூ மந்திரகாளி" இயக்குனர் சற்குணம் மேற்பார்வையில்

திருமணம் நடந்ததா?

அங்கு மிகவும் சக்தி வாய்ந்த அழகான பதுமையாக இருக்கும் கதாநாயகியை பார்த்ததும் காதல் துளிர் விட, அவளை காதலித்து தனது கிராமத்திற்கு அழைத்து சென்றால் தனது பங்காளிகளை திருத்தலாம் என திட்டம் தீட்டுகிறான். ஆனால் பங்காளியூர் மக்கள் இவ்வளவு அழகான பெண்ணை காதலிக்கும் கதாநாயகன் மீது கொண்ட பொறாமையால் அவர்களது காதலுக்கு தடைகளை ஏற்படுத்த இறுதியில் அவர்கள் இருவருக்கும் திருமணம் நடந்ததா? பங்காளியூர் திருந்தியதா? என்பதை நகைச்சுவையாக சொல்லும் படமே ' சூ மந்திரகாளி'

அன்னக்கிளி வேலு

புதுமுகமான கார்த்திகேயன் வேலு கதாநாயகனாக நடிக்க சஞ்சனா புர்லி கதாநாயகியாக நடித்துள்ளார். உடன் கிஷோர் தேவ், முகில், கோவிந்த் மாயோன், V.ஶ்ரீதர் உள்ளிட்ட பலர் நடித்துள்ளனர்.அன்னம் மிடியாஸ் சார்பாக அன்னக்கிளி வேலு இப்படத்தை தயாரிக்க பிரபல இயக்குனர் சற்குணம் வர்மன்ஸ் புரொடக்‌ஷன்ஸ் சார்பாக இப்படத்தை வழங்குகிறார்.

செப்டம்பர் 24

ஈஸ்வர் கொற்றவை இயக்கத்தில் உருவாகியுள்ள ' சூ மந்திரகாளி' படத்திற்கு முகமது பர்ஹாண் ஒளிப்பதிவை மேற்கொண்டுள்ளார். சதிஷ் ரகுநாதன் இசையமைக்க, நவிப் முருகன் பின்னனி இசை அமைத்துள்ளார்.

சமீபத்தில் வெளியான இப்படத்தின் டிரைலர் பலரின் கவனத்தையும் ஈர்த்தது. வரும் செப்டம்பர் 24 அன்று திரையரங்குகளில் வெளியாகிறது 'சூ மந்திரகாளி'

நிறைய திட்டங்கள்

இந்த படத்தின் குழு ஒட்டு மொத்தமாக ப்ரமோஷன் வேலைகளில் இறங்கி படத்தின் சுவாரஸ்யங்களை மேலும் ரசிகர்கள் ஈர்க்கும் வண்ணம் நிறைய திட்டங்கள் தீட்டி வருகின்றனர் . படத்தின் கலை - J.K.ஆண்டனி படத்தொகுப்பு - கோகுல், நடனம் - தீனா, சண்டை பயிற்சி - டேஞ்சர் மணி, மக்கள் தொடர்பு - சதிஷ் என பலம் கொண்ட ஒரு கூட்டணியாக செயல் பட்டு வருகிறது. விரைவில் வெள்ளி திரையில் காணலாம்.