Don't Miss!
- News வேலையில்லா பிரச்சினைக்கு அரசு என்ன செய்ய முடியும்.. அதிர வைத்த மத்திய தலைமை பொருளாதார ஆலோசகர்
- Technology வெளுத்துக்கட்டுது சேல்.. ரூ.21,000 போதும்.. SONY கேமரா.. AMOLED டிஸ்பிளே.. 67W சார்ஜிங்.. எந்த மாடல்?
- Automobiles மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
- Sports SRH vs GT : பல்தான்ஸ்.. நமக்கு இவ்வளவு பெரிய சோதனை வந்தது ஏன்? ஓய்வறையில் ஓபனாக பேசிய ஹர்திக்!
- Finance தங்கம் விலை மீண்டும் உயர்வு.. இனி இதுதான் நிரந்தரமா? சாமானிய மக்களால் தங்கத்தை வாங்கவே முடியாதா..?
- Lifestyle ஹிட்லரின் ஆட்சியில் செய்யப்பட்ட மகத்தான சாதனைகள்... ஹிட்லருக்கே தெரியாம இவ்வளவு நல்லது பண்ணிருக்காரா?
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
- Travel புதுச்சேரியில இப்படி ஒரு விஷயமா – ஒரே படகு சவாரியில 8 விதமான கடற்கரைகளுக்கு க்ரூஸ் சுற்றுலா!
ஒழுக்கத்த விட்டோம்னா அவ்வளவுதான்...செல்வராகவனின் அடுத்த அதிரடி.. பகாசூரன் டிரைலர் !
சென்னை: மோகன் ஜி இயக்கத்தில், இயக்குநரும், நடிகருமான செல்வராகவன் நடிப்பில் உருவாகியுள்ள பகாசூரன் படத்தின் டிரைலர் வெளியாகி பட்டையை கிளப்பி வருகிறது.
இயக்குநரும், நடிகருமான செல்வராகவன் பகாசூரன் படத்தில் கதாநாயகனாக நடித்துள்ளார். அவருக்கு ஜோடியாக புதுமுக நடிகை தாரக்ஷியும் இவர்களுடன் நட்டி என்கிற நட்ராஜ், ராதாரவி, கே. ராஜன், ராம்ஸ், சரவண சுப்பையா, தேவதர்ஷினி உள்ளிட்ட பலர் நடித்திருக்கிறார்கள்.
பாரூக் ஒளிப்பதிவு செய்திருக்கும் இந்த படத்திற்கு சாம் சி. எஸ் இசையமைத்திருக்கிறார்.
கதையின் அவுட்லைன் கேட்டாலே போதும்..நம்பி நடிக்கலாம்..செல்வராகவன், மிஷ்கினை புகழ்ந்த எஸ்.ஜே.சூர்யா!
செல்வராகவன் நடிகரான கதை
திரைக்குப்பின்னால் நடிகர்களை வைத்து மெகா ஹிட் திரைப்படங்களை கொடுத்து வந்த இயக்குநர் செல்வராகவன் பீஸ்ட் திரைப்படத்தின் மூலம் நடிகராக அறிமுகமானார். இதையடுத்து, அருண் மாதேஸ்வரன் இயக்கத்தில் கீர்த்தி சுரேஷுடன் இணைந்து சாணிக்காயிதம் படத்தில் நடித்திருந்தார். இப்படம் நேரடியாக ஓடிடியில் வெளியானது. கொலை,ரத்தக்களறி, பகை, பழிவாங்குதல் என வித்தியாசமான கதை அம்சத்தைக் கொண்ட இப்படம் கலவையான விமர்சனத்தை பெற்றது.
விமர்சனங்களில் சிக்கினார் மோகன் ஜி
சாணிக்காயிதம் திரைப்படத்தை அடுத்து இயக்குநர் செல்வராகவன் மோகன் ஜி இயக்கத்தில் உருவாகி உள்ள பகாசூரன் படத்தில் நடித்துள்ளார். இவர் திரௌபதி மற்றும் ருத்ர தாண்டவம் ஆகிய இரு படங்களை இயக்கி உள்ளார். குறைந்த பட்ஜெட்டில் எடுக்கப்பட்டு வியாபார ரீதியாக இத்திரைப்படங்கள் வெற்றி பெற்றன. ஆனால் இந்த படத்தின் கதைக்களம் ஒடுக்கப்பட்ட மக்களை இழிவாக சித்தரிக்கும் விதமாக அமைந்துள்ளதாக விமர்சனங்களும் எழுந்தன.
பூசாரி கெட்டப்பில்
பகாசூரன் என வித்தியான தலைப்பு வைத்துள்ள படத்தின் பர்ஸ்ட் லுக் போஸ்டர் அண்மையில் வெளியானது. அதில், செல்வராகவன் நெற்றியில் பட்டை, குங்குமம், கழுத்தில் ருத்ராட்சை மாலை என கோவில் பூசாரி போல மிரட்டலாக இருந்தார். அவரை மக்கள் கையெடுத்து கும்பிடுவது போல போஸ்டர் வெளியானது. பூசாரி கெட்டப்பில் செல்வராகவனை பார்த்த ரசிகர்கள் இப்படத்தை எதிர்பார்த்து காத்திருக்கிறார்கள்.
பகாசூரன் டிரைலர்
இந்நிலையில், பகாசூரன் திரைப்படத்தின் டிரைலர் வெளியாகி உள்ளது. பெண்களுக்கு எதிராக சமூதாயத்தில் நடக்கும் கொடுமைகள் குறித்தும், பெண்கள் ஒரு போகப்பொருளாக பார்க்கும் இந்த சமூதாயத்தின் அழுக்கை அகற்ற பகாசூரனாக கத்தியோடு களமிறங்கி உள்ளார் செல்வராகன். கள்ளக்காதல் என்று கேவலப்படுத்தக்கூடாது...திருமணம் தாண்டிய புனிதமான உறவு சர்ச்சைக்குரிய வசனங்களுடன் பகாசூரன் டிரைலர் வெளியாகி உள்ளது.