இயக்குனர் 'சிறுத்தை' சிவா தந்தை உடல் நலக்குறைவால் மரணம்.. திரையுலகம் இரங்கல்

ரஜினியின் அண்ணாத்த

2014-ம் ஆண்டு வீரம் படத்தின் மூலம் அஜித்துடன் சிவா இணைந்தார். இந்த படம் ஹிட்டானது. அடுத்தடுத்து விஸ்வாசம் வரை 4 படங்களில் அஜித்துடன் பணியாற்றினார். விஸ்வாசம் வெற்றியை அடுத்து தற்போது ரஜினிகாந்த், நயன்தாரா நடிக்கும் அண்ணாத்த படத்தை இயக்கி வருகிறார்.

ஷூட்டிங் நிறுத்தம்

கொரோனா காரணமாக இந்தப் படத்தின் ஷூட்டிங் நிறுத்தி வைக்கப்பட்டுள்ளது. இவர் தந்தை ஜெயக்குமார். சென்னை விருகம்பாக்கத்தில் வசித்து வந்த அவருக்கு திடீரென உடல்நலக்குறைவு ஏற்பட்டது. இதையடுத்து மருத்துவமனையில் சிகிச்சை பெற்று வந்தார். இந்நிலையில் நேற்று மாலை சிகிச்சை பலனின்றி உயிரிழந்தார்.

புகைப்பட கலைஞர்

தந்தையின் திடீர் மரணத்தால் சிவாவின் குடும்பத்தினர் சோகத்தில் ஆழ்ந்துள்ளனர். திரைத்துறையினரும், உறவினர்களும் ஆறுதல் கூறி வருகின்றனர். மறைந்த ஜெயக்குமார், டாக்குமென்டரி புகைப்பட கலைஞராக இருந்தவர். அவரது தந்தை ஏ.கே.வேலன், திரைத்துறையில் தயாரிப்பாளராகவும், எழுத்தாளராகவும் இருந்து மறைந்தவர்.

இறுதிச் சடங்கு

அருணாச்சலம் ஸ்டூடியோவின் உரிமையாளர். தந்தை ஜெயக்குமாரின் மரண செய்தி கேட்டு இயக்குநர் சிவாவின் தம்பி, நடிகர் சிவா கேரளாவில் இருந்து சென்னைத் திரும்பியுள்ளார். இறுதிச் சடங்குகள் இன்று நடைபெறுகிறது. அவர் மறைவை அடுத்து திரைத்துறையினர் சமூக வலைதளங்களில் இரங்கல் தெரிவித்து வருகின்றனர்.