ஏதாவது பார்த்து பண்ணுங்க...ஷங்கரிடம் நெட்டிசன்கள் என்ன கேட்டிருக்காங்க தெரியுமா ?

ஷங்கர் பட ரிலீஸ் எப்போ

இந்தியன் 2 பட விவகாரத்திற்கு பிறகு, அந்நியன் இந்தி ரீமேக் வேலையையும் நிறுத்தி வைத்துள்ளார். தற்போது ராம் சரண் நடிக்கும் ஆர்சி 15 படத்தை இயக்கி வருகிறார். இந்த படம் 2023 ம் ஆண்டு பொங்கல் அல்லது கோடை விடுமுறையில் ரிலீசாகும் என எதிர்பார்க்கப்படுகிறது.

கேஜிஎஃப் 2 ஐ பாராட்டிய ஷங்கர்

இந்நிலையில் கன்னட இயக்குனர் பிரசாந்த் நீல் இயக்கத்தில் யாஷ் நடித்த கேஜிஎஃப் 2 படத்தை பார்த்துள்ளார் ஷங்கர். ஏப்ரல் 14 ம் தேதி ரிலீசான இந்த படத்தை ஒரு மாதத்திற்கு பிறகு தற்போது தான் ஒரு வழியாக பார்த்து விட்டு கமெண்ட் செய்துள்ளார். படத்தை பார்த்து விட்டு திரைக்கதை உள்ளிட்டவற்றை பாராட்டி ட்வீட் போட்டுள்ளார். ஷங்கரின் பாராட்டுக்கும் பிரசாந்த் நீலும் நன்றி தெரிவித்துள்ளார். உங்களை போன்றவர்களிடம் இருந்து பாராட்டை பெறுவது மகிழ்ச்சி என தெரிவித்துள்ளார்.

ஷங்கருக்கு கோரிக்கை

இதில் ஹைலைட் என்னவென்றால், ஷங்கர் தனது ட்வீட்டில் குறிப்பிட்டது கேஜிஎஃப் 2 படத்தை தான். ஆனால் இதற்கு கமெண்ட் செய்தவர்களில் பெரும்பாலானவர்கள், சீக்கிரம் ஒரு பான் இந்தியா படம் எடுங்க. அதுவும் விஜய், அஜித்தை வைத்து எடுங்க என கேட்டுள்ளனர். அது மட்டுமல்ல விஜய்யை ஹீரோவாகவும் அஜித்தை வில்லனாகவும் வைத்து படம் எடுக்கும்படி கேட்டுள்ளனர்.

கோலிவுட்டை காப்பாத்துங்க

அதிலும் விட்டுக் கொடுக்காத அஜித் ரசிகர்கள், ஏன் அஜித் தான் வில்லன் ரோலில் நடிக்க வேண்டுமா. அஜித் ஹீரோவாகவும், விஜய் வில்லனாகவும் நடிக்க கூடாதா. விஜய்யை ஹீரோவாக மட்டுமே பார்த்து போரடிக்குது. அதனால் வித்தியாசமாக அவரை வில்லனாக்கி ஒரு படம் பண்ணுங்க. நீங்க தமிழுக்கு திரும்பி வந்தா தான் கோலிவுட்டை காப்பாத்த முடியும். ஏதோ பார்த்து பண்ணுங்க சார்.

அந்த மேஜிக்கை மீண்டும் பார்க்கனும்

சிவாஜி, அந்நியன், 2.0, முதல்வன் ஸ்டைலில் மற்றொரு மாஸான படத்தை கொடுங்க சார். தமிழ் சினிமாவை மீண்டும் உங்களால் தான் எழுச்சி அடைய வைக்க முடியும். இந்திய சினிமாவில் ஷங்கர், ராஜமெளலி, பிரசாந்த் நீல் தான் இனி எதிர்காலம் போல. எப்போ தமிழுக்கு திரும்பி வருவீங்க. தலைவர் ரஜினியுடன் சேர்ந்து சிவாஜி ஸ்டைலில் இன்னொரு படம் கொடுங்க. மீண்டும் அந்த மேஜிக்கை பார்க்க ஆசை என கேட்டுள்ளனர்.