ஒரு நாளுக்கு ரூ.11 கோடி வாங்கும் சல்மான் கானின் முதல் சம்பளம் எவ்வளவு தெரியுமா?

என்னுடைய முதல் சம்பளம் 75 ரூபாய் என்று நினைக்கிறேன். நான் தாஜ் ஹோட்டலில் நடந்த ஒரு நிகழ்ச்சியில் கூட்டத்தோடு கூட்டமாக நடனமாடியதற்காக அந்த சம்பளம் கிடைத்தது. என் நண்பர் ஒருவர் ஆடினார். அதனால் அவர் என்னையும் அழைத்துச் சென்று ஆட வைத்தார் என்று சல்மான் தெரிவித்துள்ளார்.

கேம்ப கோலா என்ற கூல் ட்ரிங் விளம்பரத்தில் நடித்து ரூ. 750 சம்பாதித்தேன். அதன் பிறகு ரூ. 1,500 தான் பல காலம் என் சம்பளமாக இருந்தது என்கிறார் சல்மான் கான்.

மேனே பியார் கியா படத்திற்கு ரூ. 31 ஆயிரம் சம்பளம் கிடைத்தது. அதன் பிறகு என் சம்பளம் ரூ. 75 ஆயிரமாக அதிகரித்தது என்று சல்மான் கான் கூறியுள்ளார்.

பிக் பாஸ் இந்தி நிகழ்ச்சியின் 11வது சீசனை தொகுத்து வழங்க நாள் ஒன்றுக்கு சல்மான் கானுக்கு ரூ. 11 கோடி அளிக்கப்படுகிறது என்பது குறிப்பிடத்தக்கது.