பிக்பாஸ் சீசன் 6 ல் இப்படி ஒரு சர்ப்ரைசா...ஆவலை எகிற வைக்கும் ஹாட் தகவல்

பிக்பாசிலிருந்து விலகிய கமல்

பிக்பாஸ் நிகழ்ச்சியின் முந்தைய 5 சீசன்களையும் கமல் தான் தொகுத்து வழங்கினார். இதைத் தொடர்ந்து பிக்பாஸ் அல்டிமேட் நிகழ்ச்சியையும் ஆரம்பத்தில் கமல் தான் தொகுத்து வழங்கினார். பிறகு விக்ரம் படத்தின் ஷுட்டிங் காரணமாக கமல் பிக்பாஸ் அல்டிமேட்டில் இருந்து விலகிய நிலையில், அவருக்கு பதில் சிம்பு இந்நிகழ்ச்சியை தொகுத்து வழங்கினார்.

ரசிகர்களை கவர்ந்த சிம்பு

சிம்பு தொகுத்து வழங்கிய விதம் அனைவரையும் கவர்ந்தது. பாரபட்சம் பாராமல் அனைத்து போட்டியாளர்களையும் அவர் வச்சு செய்தது ரசிகர்களுக்கு பிடித்திருந்தது. இதனால் சிம்பு வந்த பிறகு நிகழ்ச்சி சுவாரஸ்யமாக துவங்கியது.

பிக்பாஸ் 6 க்கு கண்டிப்பா வருவேன்

அதே சமயம் பிக்பாஸ் டீமுடன் கமலுக்கு ஏற்பட்ட கருத்து வேறுபாடு காரணமாகவும், பிக்பாஸ் அல்டிமேட் நிகழ்ச்சிக்கு மக்களிடம் வரவேற்பு கிடைக்காததால் கமல் பிக்பாசில் இருந்து வெளியேறியதாக தகவல் பரவியது. ஆனால் அதை இல்லை என மறுத்ததுடன், பிக்பாஸ் 6 நிகழ்ச்சியை தொகுத்து வழங்க தான் நிச்சயம் வர உள்ளதாக கமல் உறுதி அளித்து அறிக்கை வெளியிட்டார்.

பிக்பாஸ் 6 தொகுப்பாளர் யார்

இந்நிலையில் பிக்பாஸ் சீசன் 6 அக்டோபர் மாதம் துவங்க உள்ளதாக முதலில் தகவல் வெளியானது. தற்போது நவம்பர் மாதத்திற்கு நிகழ்ச்சி தள்ளி போவதாக சொல்லப்படுகிறது. இந்த நிகழ்ச்சியை கமல் தொகுத்து வழங்குவதாக சொல்லப்பட்டாலும், கமலை விட சிம்பு தொகுத்து வழங்கினால் நன்றாக இருக்கும் என ரசிகர்கள் பலர் கருதுவதாக சொல்லப்படுகிறது. ஆனால் கமல், சிம்பு இருவரும் அடுத்தடுத்த பட வேலைகளில் பிசியாக இருக்கிறார்கள்.

என்னது இப்படி ஒரு சர்ப்ரைசா

லேட்டஸ்ட் தகவலின் படி, ரசிகர்களின் விருப்பத்திற்கு ஏற்ப கமல் - சிம்பு இருவரும் சேர்ந்து பிக்பாஸ் சீசன் 6 ஐ தொகுத்து வழங்க போகிறார்களாம். ஆனால் கமல் தொகுத்து வழங்குவது உறுதியாகி விட்டது. சிம்பு, பிக்பாஸ் சீசன் 6 க்கு தொகுப்பாளராக வருவதற்கான வாய்ப்பு மிக மிக குறைவு என்றே சொல்லப்படுகிறது.