லேடி சூப்பர்ஸ்டார் நயன்தாரா தெரியும்...லேடி பவர்ஸ்டார் யாருன்னு தெரியுமா?

சர்ச்சையில் சிக்கிய சாய் பல்லவி

தெலுங்கில் ராணா டகுபதி, சாய் பல்லவி நடித்த விரத பர்வம் படம் ஜுன் 17 ம் தேதி ரிலீசானது. இது ரசிகர்களிடம் நல்ல வரவேற்பை பெற்றுள்ளது. படத்தின் ப்ரொமோஷனுக்காக சாய் பல்லவி அளித்த பேட்டியில் அவர் பேசியது, பெரும் சர்ச்சையாக்கப்பட்டது. இதற்காக சாய் பல்லவி மீது பல அமைப்புக்கள் வழக்கும் தொடர்ந்தன.

விளக்கம் அளித்து வீடியோ

தொடர்ந்து எதிர்ப்புக்கள், கண்டன குரல்கள் அதிகரித்து வந்ததால், நேற்று சமூக வலைதள பக்கங்களில் தான் விளக்கம் அளித்து வீடியோ ஒன்றை வெளியிட்டிருந்தார் சாய் பல்லவி. இதற்கு பிறகு இந்த பிரச்சனை முடிவுக்கு வரும் என எதிர்பார்க்கப்படுகிறது.

ராணா உடன் காதலா

விரத பர்வம் படத்தால் இந்த சர்ச்சை மட்டுமல்ல, காதல், திருமணம் போன்ற கிசுகிசுக்களிலும் சிக்கி உள்ளார் சாய் பல்லவி. படத்தின் ப்ரொமோஷனுக்காக அனைத்து இடங்களுக்கும் நடிகர் ராணாவுடன் சேர்ந்து செல்வதாலும், அவர்கள் போகும் இடங்களில் சூழ்ந்து கொள்ளும் ரசிகர்களிடம் இருந்து சாய் பல்லவியை ராணா பத்திரமாக அழைத்துச் செல்வது போன்ற போட்டோக்களால் இருவருக்கும் இடையே காதல், விரைவில் திருமணம் என்ற பேச்சுக்கள் பரவின.

சாய் பல்லவிக்காக இன்ட்ரோ வீடியோ

இப்படி பல சர்ச்சைகளில் சாய் பல்லவி சிக்க காரணமான விரத பர்வம் படத்தில் நக்சலைட் ரோலில் சாய் பல்லவி நடித்துள்ளார். படத்தில் சாய் பல்லவியின் கேரக்டர் பற்றியும், துப்பாக்கி குண்டுகள், போர்களுக்கு நடுவே சாய் பல்லவி எப்படி பிறந்தார் என்பதை காட்டுவதற்காகவும் இன்ட்ரோ வீடியோ ஒன்றை படக்குழு வெளியிட்டனர்.

லேடி பவர்ஸ்டார்

சமீபத்தில் நடத்தப்பட்ட ப்ரீ ரிலீஸ் நிகழ்ச்சியில் இந்த வீடியோ வெளியிடப்பட்டது. இதில் சாய் பல்லவியும் கலந்து கொண்டிருந்தார். இதில் இன்ட்ரோ வீடியோவில் சாய் பல்லவியின் பெயர், லேடி பவர்ஸ்டார் என்ற டைட்டிலுடன் திரையிடப்பட்டதை பார்த்து அவரே மிரண்டு போய் விட்டார். இந்த வீடியோ சோஷியல் மீடியாவில் செம டிரெண்டாகி வருகிறது.

இவர் தான் இதற்கு காரணமா

இப்படி சாய் பல்லவிக்கு முதல் முறையாக டைட்டில் கொடுக்கப்பட்டது இந்த படத்தில் அல்ல. இதற்கு முன் பிப்ரவரி மாதத்தில் ஆடவாலு மீகு ஜோஹார்லு படத்தின் ப்ரீ ரிலீஸ் நிகழ்ச்சியில் சாய் பல்லவி கலந்து கொண்ட போது, ரங்கஸ்தலம் மற்றும் புஷ்பா படங்களை இயக்கிய டைரக்டர் சுகுமார் தான் சாய் பல்லவியை முதல் முறையாக, அவர் லேடி பவன்கல்யாண் என குறிப்பிட்டார்.

Recommended Video

என் life-ல Miracle நடந்திருக்கு|Janani Iyer speech |Filmibeat Tamil

செம வெயிட்டா இருக்கு

இதற்கு பிறகு ரசிகர்கள் பலரும் சாய் பல்லவியை லேடி பவர்ஸ்டார் என கூப்பிட துவங்கினர். இதையே சாய் பல்லவிக்கு இன்ட்ரோ டைட்டிலாக கொடுத்தால் படத்தில் அவரின் ரோலுக்கு செம வெயிட்டாக இருக்கும் என நினைத்து தான் படக்குழுவினரும் லேடி பவர்ஸ்டார் சாய் பல்லவி என்றே குறிப்பிட்டுள்ளனராம்.