அய்யய்யோ.. இது பேய் மிரட்டலா இருக்கே.. ஒரே வாரத்துல இத்தனை கோடிகளா.. திரௌபதி கலெக்ஷன கேளுங்க!

பாராட்டு

படத்தில் நாடகக்காதல் குறித்து வெளிப்படையாக கூறப்பட்டுள்ளது. இதனால் சில சமூகத்தினர் படத்திற்கு பெரும் வரவேற்பு கொடுத்ததோடு பாராட்டும் தெரிவித்து வருகின்றனர். மேலும் குடும்பம் குடும்பமாக படத்தை பார்த்து ரசித்து வருகின்றனர். இதனால் படம் ரிலீஸான முதல் இரண்டு நாட்களிலேயே 4 கோடி ரூபாய்க்கு மேல் வசூலை குவித்தது.

பதிலடி

படம் ஹிட்டானதால் படத்தின் ட்ரெயிலர் வெளியானபோது கடுமையாக விமர்சித்த பலருக்கும் படத்தின் இயக்குநரான மோகன் ஜி பதிலடி கொடுத்து வருகிறார். திரௌபதி திரைப்படத்தை திரை பிரபலங்கள் பலரும் பாராட்டிய நிலையில் அரசியல் பிரமுகர்களும் பார்த்து ரசித்து பாராட்டினர்.

ரூ. 10 கோடிக்கு மேல்

இந்நிலையில் படம் ரிலீஸ் ஆகி ஒரு வாரம் ஆன நிலையில் படத்தின் வசூல் குறித்த விவரங்கள் வெளியாகியுள்ளது. அதாவது படம் ரிலீஸ் ஆகி ஒரு வாரம் ஆன நிலையில் படம் 10 கோடி ரூபாய்க்கு மேல் வசூல் செய்திருக்கிறது. இதனை படத்தின் இயக்குநரான மோகன் ஜி தனது டிவிட்டர் பக்கத்தில் தெரிவித்திருக்கிறார்.

மக்களுக்கு நன்றி

இதுதொடர்பாக அவர் பதிவிட்டுள்ள டிவிட்டில், 300 திரையரங்குகளில் இரண்டாவது வாரம் தொடர்கிறது... இதுவரை 10 கோடிக்கு மேல் மொத்தமாக வசூல் சாதனை புரிந்துள்ளது.. சிறு குழு கொண்ட தமிழின் முதல் கூட்டு முயற்சி திரைப்படத்தை இவ்வளவு பெரிய வெற்றி பெற வைத்த மக்களுக்கு நன்றி.. தொடர்ந்து ஆதரவு கொடுங்கள்.. என பதிவிட்டுள்ளார்.

பல மடங்கு வசூல்

திரௌபதி படம் 50 லட்சம் ரூபாய் பட்ஜெட்டில் உருவாக்கப்பட்டது. அதுவும் தயாரிப்பாளர் என யாரும் இல்லாமல் கிரவுட் ஃபன்டிங் முறையில் படம் தயாரிக்கப்பட்டது. இந்நிலையில் செய்த செலவை விட பல மடங்கு வசூலை குவித்திருக்கிறது படம். சமீப காலத்தில் வெளியான படங்களில் திரௌபதி படம் தான் செலவை விட பல மடங்கு வசூலை குவித்திருக்கிறது என்று கூறப்படுகிறது.