இந்த வார பாக்ஸ் ஆபிஸ் வெற்றியாளர் யாரு தெரியுமா? விஜய்சேதுபதி, நயன்தாராவையே ஓட விட்ட விஷ்ணு விஷால்!

டிரெண்டிங்கில் விஜய்சேதுபதி

#VijaySethupathi ஹாஷ்டேக்கை ரசிகர்கள் டிரெண்ட் செய்து டிஎஸ்பி எப்படி? என கேட்க DSP என அழைக்கப்படும் இசையமைப்பாளர் தேவிஸ்ரீ பிரசாத் நல்லாத்தான் இருக்காரு என ரசிகர்கள் கலாய்த்து வருகின்றனர். விஜய்சேதுபதிக்கு என்னதான் ஆச்சு? அவர் ஹீரோவாக நடிக்கும் படங்கள் மட்டும் இப்படி சொதப்புவது ஏன்? வில்லனாக அந்த மிரட்டு மிரட்டுறாரே என ஏகப்பட்ட ட்ரோல்கள் குவிந்து வருகின்றன.

கோல்டா கவரிங்கா

நேரம், பிரேமம் போன்ற படங்களை போல கோல்டு படம் இருக்காது என ஏற்கனவே எச்சரிக்கை மணி அடித்து விட்டார் இயக்குநர் அல்போன்ஸ் புத்திரன். மேலும், இந்த படத்திற்கு எதற்கு சுத்தமாக ப்ரமோஷனே செய்யவில்லை என்றும் இப்போதான் புரிகிறது என இது கோல்டா? கவரிங்கா? 7 வருஷ காத்திருப்புக்கு இப்படி ஏமாற்றி விட்டீரே அல்போன்ஸ் என கேரளா மற்றும் தமிழ்நாடு ரசிகர்கள் புலம்பித் தீர்த்து வருகின்றனர். ஓ2 வை தொடர்ந்து நயன்தாராவுக்கு இந்த படமும் இந்த ஆண்டு ஃபிளாப்.

காப்பாற்றிய குஸ்தி

இந்த வாரம் தியேட்டருக்கு சென்ற ரசிகர்களை திருப்தியோடு திருப்பி அனுப்பி வைத்த படம் என்றால் அது கட்டா குஸ்தி மட்டும் தான் என்கின்றனர். கொஞ்சம் கமர்ஷியல் நெடி ஓவராக தூவப்பட்டு இருந்தாலும், காமெடி, கதை, திரைக்கதை என அனைத்தும் ஒர்க்கவுட் ஆன விதத்தில் விஷ்ணு விஷால், ஐஸ்வர்யா லக்‌ஷ்மி நடிப்பில் வெளியான கட்டா குஸ்தி திரைப்படம் இந்த வாரம் தப்பித்தது என்கின்றனர்.

பாக்ஸ் ஆபிஸ் யாருக்கு

கோல்டு மற்றும் டிஎஸ்பி படங்களைத்தான் முதல் நாளில் ரசிகர்கள் அதிகம் ஆர்வத்துடன் சென்று பார்த்திருப்பார்கள். அதன் பின்னர் தான் விஷ்ணு விஷாலின் கட்டா குஸ்தி பக்கம் ரசிகர்களின் பார்வை திரும்பி இருக்கும். இந்நிலையில், இந்த மூன்று படங்களில் யார் முதல் நாள் பாக்ஸ் ஆபிஸ் வின்னர் என்பது நாளை தெரிந்து விடும். இந்த வார இறுதியில் பாக்ஸ் ஆபிஸில் கட்டா குஸ்தி ஆதிக்கம் செலுத்தும் என எதிர்பார்க்கப்படுகிறது.