சர்தார் பட கதை பற்றி டிவிட்டரில் கிறிஸ்டோபர் உருட்டிய உருட்டு… பதிலடி கொடுத்த எடிட்டர் ரூபன்…

ரா அதிகரியாக கார்த்தி

கார்த்தியின் 'விருமன்', 'பொன்னியின் செல்வன்' என இரண்டு படங்கள் அடுத்தடுத்து வெளியாகி ஹிட் அடித்துள்ளன. இதனைத் தொடர்ந்து கார்த்தி நடித்துள்ள சர்தார் தீபாவளி ஸ்பெஷலாக வரும் 21ம் தேதி திரையரங்குகளில் வெளியாகிறது. பிஎஸ் மித்ரன் இயக்கியுள்ள இந்தப் படத்தில் கார்த்தி ரா அதிகாரியாக ஒரு கேரக்டரிலும், போலீஸாக இன்னொரு ரோலிலும் நடித்துள்ளார். அவருடன், ராஷிகண்ணா, ரஜிஷா விஜயன் ஆகியோரும் முக்கியமான கேரக்டர்களில் நடித்துள்ளனர். சர்தார் படத்தின் ட்ரெய்லரும், ஃபர்ஸ்ட் சிங்கிளான 'ஏறுமயிலேறி' பாடலும் வெளியாகி நல்ல வரவேற்பை பெற்றுள்ளது.

விளம்பர பிரியர் கார்த்தி

சர்தார் படத்தின் ட்ரெய்லர் கார்த்தியின் இரண்டு கேரக்டர்கள் குறித்தும் படக்குழு லீட் கொடுத்துள்ளது. போலீஸாக நடித்துள்ள கார்த்தி, விளம்பர பிரியராக வருவது ரசிகர்களின் எதிர்பார்ப்பை அதிகரிக்க வைத்துள்ளது. அதேபோல், ரா அதிகாரி கேரக்டரும் மிரட்டலாக உருவாகியுள்ளது. இதுகுறித்து பேசியிருந்த கார்த்தி, "தமிழ் சினிமாவில் உளவாளிகள் பற்றி ஏராளமான படங்கள் வந்திருந்தாலும் அதற்கும் இந்தப் படத்துக்கும் நிறைய வித்தியாசங்கள் உள்ளன. மேலும், ரகசிய உளவாளியாக நிறைய கெட்டப்புகளில் நடித்துள்ளேன். இந்த ரகசிய உளவாளி கேரக்டரை கிட்டத்தட்ட 2 ஆண்டுகள் நிறைய ஆராய்ச்சி செய்து உருவாக்கியுள்ளோம்" எனக் கூறியிருந்தார்.

டிவிட்டரில் உருட்டிய கிறிஸ்டோபர்

இந்நிலையில், சர்தார் படத்தில் கார்த்தியின் கேரக்டர் குறித்தும், படத்தின் கதை பற்றியும் சினிமா விமர்சகர் கிறிஸ்டோபர் ட்வீட் செய்திருந்தார். அதில், ரா அதிகாரியான வயதான கார்த்தி, பல வருடங்களுக்குப் பிறகு வில்லனை பழிவாங்க வருவார் என்றும், அப்போது போலீஸ் கேரக்டரில் நடிக்கும் கார்த்தியை சந்திப்பார் எனவும் பதிவிட்டுள்ளார். மேலும், இருவரும் சந்திக்கும் காட்சியில் ஃப்ளாஷ்பேக் வரும் என யூகமாக பதிவிட்டிருந்தார். சர்தார் படத்தின் கதையை ஒருவரியில் இவ்வளவு தான் என கூறியுள்ளார். இதற்கு சர்தார் படத்தின் எடிட்டர் ரூபன் செம்ம நக்கலாக பதிலடி கொடுத்துள்ளார்.

நான் ஸ்கூல் படிக்கும் போது

இதுகுறித்து டிவீட் செய்துள்ள ரூபன், "நான் ஸ்கூல் படிக்கும் போது ரஜினிகாந்த், விஜயகாந்த் இருவரும் அண்ணன் தம்பிகள் என பேச்சு வரும். ஏனென்றால் இருவரது பெயர்களும் 'காந்த்' என முடிவதால் அப்படி கதை விடுவார்கள். அதைபோல, ரா ஏஜெண்ட் என்ற கார்த்தியின் கேரக்டரை வைத்துக்கொண்டு இப்படி ராவாக கதை அடிக்கக் கூடாது என கிறிஸ்டோபரை பங்கமாக கலாய்த்துள்ளார். கிறிஸ்டோபரின் டிவிட்டும், அதற்கு பதிலளித்துள்ள எடிட்டர் ரூபனின் பதிவும் இப்போது சோஷியல் மீடியாவில் வைரலாகி வருகிறது. ரசிகர்களும் உருட்டுனா இப்படி இருக்கணும் என கிறிஸ்டோபருக்கு பதிலடி கொடுத்து வருகின்றனர்.