ஒரு தலைப்பை அறிவிக்க இத்தனை அக்கப்போரா?

தல 56, அஜீத் 56, ஆரவாரம் என ஆளாளுக்கு தோன்றினபடி அழைத்துக் கொண்டிருக்கிறார்கள் அஜீத்தின் அடுத்த படத்தை. இன்னும் ஒரு மாதத்துக்குள் படம் வெளியாகவிருக்கும் சூழலில், இன்னும் கூட அந்தப் படத்தின் அதிகாரப்பூர்வ தலைப்பு அறிவித்தபாடில்லை.

விநாயகர் சதுர்த்தியன்று இந்தப் படத்தின் பர்ஸ்ட் லுக் மற்றும் தலைப்பு வெளியாகும் என கூறியிருந்தனர். குறிப்பாக அன்று பிற்பகல் 1 மணிக்கு பெரும் விருந்து ரசிகர்களுக்காக காத்திருப்பதாக ட்விட்டரில் கூறியிருந்தனர்.

ஆனால் அன்று எதுவுமே வெளியாகவில்லை. இதனால் அஜித் ரசிகர்கள் ஏமாற்றம் அடைந்தார்கள்.

அன்றைய தினத்தில் கோலிவுட்டின் ஜாம்பவான்களான ரஜினி, கமல் ஆகியோர் படங்களின் போஸ்டர் மற்றும் டிரைலர் வெளியாகவிருந்ததால், அவர்களுக்கு மரியாதை செய்யும் பொருட்டு, தனது படத்தின் போஸ்டரை அஜித் வெளியிட விரும்பவில்லை என்று இப்போது விளக்கம் கொடுத்திருக்கிறார்கள்.

சரி.. அதான் கபாலி, தூங்காவனமெல்லாம் வெளியாகிவிட்டதே.. இனி இந்த 56வது பட தலைப்பு, பர்ஸ்ட் லுக்கை வெளியிடலாமே!