போட்றா வெடிய...தளபதி 68, தளபதி 69 டைரக்டர்கள் இவங்க தானா?...குஷியான ரசிகர்கள்

இன்னும் அறிவிப்பே வரலியே

தளபதி 67 படத்தை லோகேஷ் கனகராஜ் இயக்க போகிறார் என ஏற்கனவே தகவல் வெளியாகி விட்டது. ஆனாலும் இதுவரை அதிகாரப்பூர்வ அறிவிப்பு ஏதும் வெளியிடப்படவில்லை. விரைவில் இந்த அறிவிப்பு வெளியிடப்படலாம் என சொல்லப்படுகிறது.

தளபதி 67 கதை இது தானா

மாஸ்டர் படத்தை துவக்கிய அதே அக்டோபர் மாதத்தில் தளபதி 67 படத்தையும் துவக்க லோகேஷ் கனகராஜ் திட்டமிட்டுள்ளதாக சொல்லப்படுகிறது. இந்த படத்தில் விஜய் மதுரையை மையமாக கொண்ட கேங்ஸ்டர் ரோலில் நடிக்க உள்ளதாகவும், இது கிட்டத்தட்ட பிகில் படத்தில் வரும் மைக்கேல் ராயப்பன் கேரக்டர் போன்றது எனவும் சொல்லப்படுகிறது.

விஜய்யை அடுத்து இயக்க போவது யார்

இந்த சமயத்தில், தளபதி 67 படத்திற்கு பிறகு விஜய்யின் அடுத்தடுத்த படங்களை யார் இயக்க போகிறார்கள் என்பது தொடர்பான புதிய தகவல் ஒன்று சோஷியல் மீடியாவில் வேகமாக பரவி வருகிறது. லேட்டஸ்ட் தகவலின் படி, லோகேஷ் கனகராஜை தொடர்ந்து விஜய்யின் அடுத்த படத்தை சிறுத்தை சிவா இயக்க வாய்ப்புள்ளதாக சொல்லப்படுகிறது.

அட செம தகவலா இருக்கே

விஜய், சிறுத்தை சிவா இணையும் படத்தை சன் பிக்சர்ஸ் தயாரிக்க உள்ளதாகவும் சொல்லப்படுகிறது. இதே போல் விஜய் அடுத்ததாக டான் படத்தை இயக்கிய சிபி சக்கரவர்த்தி இயக்கும் படம் ஒன்றில் நடிக்க உள்ளதாகவும், அதை லைகா நிறுவனம் தயாரிக்க உள்ளதாகவும் சொல்லப்படுகிறது. அதே சமயம் சிபி சக்கரவர்த்தி, ரஜினியை வைத்து படம் இயக்க போவதாகவும் ஒரு தகவல் பரவி வருகிறது.சிபி தற்போது கதை தயாரிக்கும் பணியில் தீவிரம் காட்டி வருவதாக சொல்லப்படுகிறது. ஆனால் இது ரஜினிக்கா அல்லது விஜய்க்கா என்பது தெரியவில்லை.

என்னப்பா இவ்வளவு பிஸியா இருக்காங்க

விஜய் - சிறுத்தை சிவா- சன் பிக்சர்ஸ், விஜய் - சிபி - லைகா இந்த இரண்டு படங்களில் எதில் விஜய் முதலில் நடிக்க போகிறார் என தெரியவில்லை. விஜய் நடிக்கும் மற்றொரு படத்தை சன் பிக்சர்ஸ் தயாரிப்பது ஏறக்குறைய உறுதியாகி விட்டதாக சொல்லப்படுகிறது. ஆனால் இது தளபதி 68 ஆ அல்லது தளபதி 69 ஆ என்பது உறுதியாக தெரியவில்லை.சிறுத்தை சிவா, சூர்யா 42 படத்தையும் இயக்க உள்ளதாக சொல்லப்படுகிறது. சிறுத்தை சிவா, சிபி சக்கரவர்த்தி இருவருமே தரமான படத்தை வழங்கி ரசிகர்கள் மனதில் இடம்பிடித்தவர்கள். இதனால் யார் விஜய்யின் முதல் தேர்வாக இருப்பார்கள் என்பதை தெரிந்து கொள்ள ரசிகர்கள் ஆர்வம் காட்டி வருகின்றனர்.