தாமரையை மாற்றி பேச வேண்டாம்ன்னு சொல்லிட்டு நீங்க டபுள் கேம் ஆடுறீங்களே சிபி

எனக்கு ஜெயிக்க வேண்டாம்

நிரூப் வெளியேற்றப்பட்டு, டாஸ்க் முடிந்த பிறகு, அவன் இனி என்ன ஆவான் என தனது சந்தேகத்தை பிரியங்காவிடம் கேட்கிறார் தாமரை. இது வாக்குவாதமாக மாறுகிறது. அப்போது, தனக்கு ஜெயிக்க வேண்டும் என்று இல்லை. மக்கள் தன்னை காப்பாற்றுவார்கள் என தாமரை சொல்கிறார். தாமரையின் இந்த வார்த்தையால் அனைவரும் கடுப்பாகிறார்கள். இந்த வார்த்தையை முன்பே சொல்லி இருந்தால் நிரூப்பை வெளியேற்றி இருக்க மாட்டோமே என்கிறார் பிரியங்கா.

தாமரையிடம் பாயும் சஞ்சீவ்

கேம் புரியவில்லை என சொல்லி சொல்லியே எல்லோரையும் ஏமாற்றுகிறாய். ஒருவர் வெற்றி பெறுவார் என்பது கூடவா தெரியாது என சஞ்சீவ், தாமரையிடம் கோபமாக பேசுகிறார். நிரூப் மற்றும் சிபி ஆகியோர் தாமரையை சமாதானம் செய்கிறார்கள்.

தாமரையை விமர்சிக்கும் சிபி

பிறகு வீட்டிற்குள் சென்று பிரியங்கா, சஞ்சீவ், பாவனி, சிபி, அமீர் ஆகியோர் தாமரை கேம் புரியவில்லை என சொல்வதை பற்றி பேசுகிறார்கள். அப்போது பேசும் சிபி, அவர் தெளிவாக தான் விளையாடுகிறார். நாம் தான் புரியாமல் இருக்கிறோம். டாஸ்க் முடிந்த பிறகு தானே அவர் சொன்னார். டாஸ்கிற்கு முன் சொல்லவில்லையே அதை நாம் புரிந்து கொள்ள வேண்டும். ஏமாற்றுகிறவனை விட ஏமாறுகிறவன் மேல் தான் தப்பு என்கிறார்.

ஏன் ஓட்டை மாற்றவில்லை

அதே சமயம் சிறிது நேரத்திற்கு பிறகு வெளியே வந்து தாமரையிடம் பேசும் சிபி, உங்களுக்கு டிக்கெட் ஜெயிக்க வேண்டாம் என நீங்கள் முன்பே நினைத்திருந்தால் ஏன் நிரூப்பிற்கு ஓட்டை போட்டீர்கள். திரும்பி வந்து கேட்கும் போது, அவன் ஓட்டை வேறு யாருக்காவது மாற்றி இருக்கலாமே. நீங்கள் புரியவில்லை என்றால் கேட்டிருக்கலாமே.

மாற்றி பேசாதீர்கள்

புரியவில்லை என்று சொல்லி ஒன்று செய்கிறீர்கள். பிறகு சிறிது நேரத்திலேயே அதை மாற்றி பேசுகிறீர்கள். அப்படி பண்ணாதீர்கள். மாற்றி மாற்றி பேசாதீர்கள் என தாமரைக்கு அட்வைஸ் செய்கிறார். இதை பார்த்த ரசிகர்கள், தாமரைக்கு அட்வைஸ் செய்வது இருக்கட்டும். முதலில் நீங்கள் யார் பக்கம். உள்ளே மற்றவர்களுடன் சேர்ந்து தாமரைக்கு எதிராக பேசுகிறீர்கள். வெளியே வந்து தாமரைக்கு ஆதரவாக அவருக்கு அட்வைஸ் செய்கிறீர்கள். நீங்கள் டபுள் கேம் ஆடாதீர்கள் என சிபியை கலாய்த்து வருகிறார்கள்.