தெறிக்கும் கண்கள்.. கொப்பளிக்கும் குரோதம்.. கூடவே கொஞ்சம் காமம்.. பயமுறுத்தும் தெலுங்குப் பேய்

பிப்ரவரி 14 பிரீத் ஹவுஸ்

படத்தின் பெயரிலேயே பாதிக் கதை புரிந்து விடும் நமக்கு. பிப்ரவரி 14 பிரீத் ஹவுஸ் என்பதுதான் படத்தின் பெயர். காதலர் தினத்தன்று நடைபெறும் ஒரு கொலைதான் இந்தப் படத்தின் கதைக் கரு.

தர லோக்கல் பேய்

படத்தின் கதையைப் பார்த்தால் இது ஒரு தர லோக்கல் பேய் பற்றிய கதை போலத் தெரிகிறது. பேய்ப் படங்களில் கட்டாயமாக இருக்க வேண்டிய இத்யாதி இத்யாதிகள் நிறையவே இதிலும் இருக்கிறது.

காதலும் காமமும்

ஒரு காதல், அதில் மிதமிஞ்சி நிற்கும் காமம், தனி்மையான சூழல், பாழடைந்த பங்களா, ஆளே இல்லாமல் ஆடும் சேர்கள், ஒரு மர்மக் குழந்தை, கூடவே கையில் பொம்மை, பலமாக வீசும் காற்று, காற்றில் ஆடும் கத்தி.. இப்படி நிறையவே இதில் இருக்கிறது பயமுறுத்துவதற்கு.

தாடி வைத்த தாத்தா

கூடே தாடி வைத்த தாத்தா, அவரது இன்வெஸ்டிகேஷன் மூளை, இரண்டு பெண்கள், மர்மமான சத்தம், கதறல், திடீர் திடீர் பேக்கிரவுண்ட் மர்மம் என பார்முலா மாறாத பேய்ப் படமாக இருக்கிறது இந்த பிப்ரவரி 14.

பேபி பிரேமாவும், ஸ்மைலியும்

பேபி பிரேமா, பார்த்து, சுரேஷ், ஸ்மைலி ஆகியோர் நடிக்க, ப்ரவீன் ரெட்டி இசையமக்க, சத்ய ராவ் சினிமா இப்படத்தைத் தயாரித்துள்ளது.

தமிழுக்கும் வருமோ

இந்தப் பேய்ப் படத்தை எல்லா மொழிகளிலும் தைரியமாக டப் செய்து வெளியிடலாம். எனவே தமிழுக்கும் இது டப்பாகி வரலாம் என்றும் அஞ்சப்படுகிறது!