சுத்தமா கன்டன்ட் இல்லை போல.. பாலா பர்த்டே வீடியோலாம் போட்டு ஒப்பேற்றும் பிக் பாஸ்!

25 வயசு

24 வயது நிரம்பிய இளைஞராக பிக் பாஸ் வீட்டுக்குள் அடியெடுத்து வைத்த பாலாஜி முருகதாஸ். பிக் பாஸ் வீட்டின் 59வது நாளில் தனது 25வது பிறந்தநாளை கொண்டாடினார். முதல் நாளே பாலாவின் பிறந்தநாள் புரமோ வெளியான நிலையில், நேற்றைய நிகழ்ச்சியில் அந்த காட்சிகளை எதிர்பார்த்து இருந்த ரசிகர்கள் ரொம்பவே ஏமாந்து போனார்கள்.

சண்டைக்கு பிறகு சந்தோஷம்

சனம் ஷெட்டிக்கும், பாலாவுக்கும் இடையே வரிசையில் நிற்பதில் பயங்கர சண்டை நடந்தது. அந்த தேவையில்லாத அணிக்காக, பாலா தன்னைத் தானே செருப்பை கழட்டி அடித்துக் கொண்டார். அதன் பிறகு, பாலாவின் பிறந்தநாளை முன்னிட்டு கேக் வர ஹவுஸ்மேட்கள் அனைவரும் கேக் கட்டிங் செய்து பாலாவை வாழ்த்தினர்.

ஷிவானிக்கு ஃபர்ஸ்ட் கேக்

பிக் பாஸ் வீட்டில் தனக்கு ரொம்ப பிடித்தவரான ஷிவானி நாராயணனுக்கு ஃபர்ஸ்ட் கேக்கை பாலா ஊட்டி விட்டார். தொடர்ந்து, அர்ச்சனா, ரமேஷ், ரியோ, ஆரி என அனைவருக்கும் பாலா கேக் ஊட்டி விடவும், பாலாவுக்கு மற்ற ஹவுஸ்மேட்கள் கேக் ஊட்டிவிடவும் இருந்தனர். சனம் ஷெட்டி பக்கமே பாலா வரவில்லை.

திரும்ப திரும்ப ஹர்ட் பண்ணுவேன்

யாரையாவது ஹர்ட் பண்ணியிருந்தா சாரி.. ஆனால், திரும்ப திரும்ப ஹர்ட் பண்ணுவேன்.. ஏன்னா கேம் அந்த மாதிரி என பாலாஜி முருகதாஸ் மறுபடியும் தனது ஆட்டத்தை பிறந்தநாள் கொண்டாட்டத்திற்கு நடுவிலும் பேசி தான் இப்படித்தான் என்பதை நிரூபித்தார். பாலாவை பிடிக்காதவர்களும் பிறந்தநாள் அன்றே அவருக்கு வாழ்த்துக்களை தெரிவித்து விட்டனர்.

வெட்கமே இல்லாமல்

கொஞ்சம் கூட வெட்கமே இல்லாமல், பாலாவின் பிறந்தநாள் கேக்கை தானாகவே போய் சனம் ஷெட்டி எடுத்து சாப்பிட்டதை பார்த்த பாலாவின் ரசிகர்கள் சனம் ஷெட்டியை கழுவி கழுவி ஊற்றி வருகின்றனர். பிறந்தநாள் கொண்டாட்டத்திற்கு முன்பாக பாலாவை பேசியே சனம் ஹர்ட் பண்ணதுக்காகவும் அவரை திட்டி வருகின்றனர்.

சுத்தமா கன்டன்ட்டே இல்லை

போன வாரம் தான் நிவர் புயல் காரணமாக ஏற்கனவே எடுத்து வைத்த சீன்களை வைத்தே ஒப்பேற்றினார்கள். இந்த வாரம் என்ன ஆச்சு பிக் பாஸுக்கு, சுத்தமா கன்டன்ட்டே இல்லாமல், பழைய புரமோ சீன்களை மட்டுமே தூசி தட்டிப் போட்டு வருகிறார்கள். முக்கியமான காட்சிகளை போடாமல் அப்படியே கட் செய்கிறார்கள். ரசிகர்களை மதிப்பதில்லை என ஏகப்பட்ட விமர்சனங்கள் எழுந்துள்ளன.