பினாலே டிக்கெட்டால் தப்பிய அமுதவாணன்... எவிக்சனில் சிக்கிய முக்கியமான போட்டியாளர்!

டிக்கெட் டூ பினாலே

அக்டோபர் 9ம் தேதி தொடங்கிய பிக் பாஸ் சீசன் 6 நிகழ்ச்சி, தற்போது டிக்கெட் டூ பினாலே வரை வந்துவிட்டது. 13வது வாரத்தில் நடத்தப்பட்ட டிக்கெட் டூ பினாலே டாஸ்க், நேற்றோடு முடிவுக்கு வந்துள்ளது. அசீம், விக்ரமன், ஷிவின், கதிர், அமுதவாணன், ஏடிகே, ரச்சிதா, மைனா ஆகியோர் இந்த டிக்கெட் டூ பினாலே டாஸ்க்கில் விளையாடினர். பல கட்டங்களாக நடத்தப்பட்ட இந்த டிக்கெட் டூ பினாலே டாஸ்க்கில் போட்டியாளர்களிடையே அடிக்கடி சண்டைகளும் நடந்தன.

டிக்கெட் வாங்கிய அமுதா

டிக்கெட் டூ பினாலே போட்டியில் அதிகமான டைல்ஸ்கள் பெற்று அமுதவாணன் முதலிடம் பெற்றார். இந்த வாரம் இறுதியாக நடந்த பிபி கிரிட்டிக்ஸ் அவார்டு டாஸ்க்கில், ஒவ்வொரு பட்டங்களுக்கும் யார் பொருந்துவார்கள் என போட்டியாளர்கள் தேர்ந்தெடுக்க அறிவுறுத்தப்பட்டது. இதில் அசீம்க்கு விக்ரமன் கிரிஞ்ச் அவார்டு கொடுத்தபோது இருவருக்கும் வாக்குவாதம் ஏற்பட்டது. என்கிட்ட இந்த பாச்சாலாம் பலிக்காது. இத அப்படி நீங்களே மாட்டிக்கோங்க என அசீம் விக்ரமனை டிரிக்கர் செய்தார்.

எவிக்சனில் தப்பிய அமுதா

இதனிடையே இந்த வாரம் யார் எவிக்சன் என்ற எதிர்பார்ப்பு அதிகம் இருந்தது. இதில், அமுதவாணன் தான் குறைவான வாக்குகளுடன் எவிக்சன் ஆகும் நிலையில் இருந்தார். ஆனால், டிக்கெட் டூ பினாலே டாஸ்க்கில் வெற்றிப் பெற்று நேரடியாக இறுதிப் போட்டிக்கும் தகுதி பெற்றுவிட்டார். இதனால் இந்த வாரம் எவிக்சனில் இருந்த அமுதா, அதிலிருந்து எஸ்கேப் ஆகிவிட்டார். எனவே அவருக்கு அடுத்து குறைவான வாக்குகள் பெற்றுள்ள இரண்டு போட்டியாளர்களில் ஒருவர் தான் எவிக்சன் ஆகும் நிலை ஏற்பட்டுள்ளது.

போட்டியில் ஷிவின் - ஏடிகே

அதன்படி எவிக்சன் லிஸ்ட்டில் அடுத்து இருப்பது ஷிவினும் ஏடிகேவும் தான். இதில் ஏடிகேவை விட ஷிவின் தான் குறைவான வாக்குகள் பெற்றுள்ளதாக தகவல் வெளியாகியுள்ளது. இதனால் பிக் பாஸ் வீட்டில் இருந்து இந்த வாரம் ஷிவின் எவிக்சன் ஆகலாம் என எதிர்பார்க்கப்படுகிறது. பைனல் வரை டாப் 3 பிளேயர்களில் ஒருவராக ஷிவின் வருவார் என எதிர்பார்க்கப்படும் நிலையில், அவர் எவிக்சன் ஆகலாம் என்ற செய்தி பிக் பாஸ் ரசிகர்களை அதிர்ச்சியில் ஆழ்த்தியுள்ளது.