Don't Miss!
- Technology நீ படிச்ச ஸ்கூல்ல நான் ஹெட் மாஸ்டர் டா.. ChatGPT-க்கு செக் வச்ச Google.. இனி மொபைல் யூசர்கள் Gemini பக்கம்!
- News மயிலாடுதுறையில் ஆச்சரியம்.. அந்த "வைக்கோல் மூட்டை".. ஆஹா, வைத்தீஸ்வரன் கோயில் தையல் நாயகி.. பரவசம்
- Automobiles கியா களமிறக்கும் புது எலெக்ட்ரிக் காரின் விலை இவ்ளோதானா! பெட்டி கடைல கடலை மிட்டாய் விக்கற மாதிரி விக்க போகுது!
- Lifestyle உங்கள் கால் நகங்களை அழகாக மாற்ற அற்புதமான டிப்ஸ்..
- Finance இனி பீட்சா முதல் பெப்சி வரை இவர்கள் கையில் தான்..!! வாரிசு கைக்கு மாறும் ஆர் ஜே கார்ப்பரேஷன்..!
- Sports சிஎஸ்கே அணிக்கு சிக்கல்.. பிளே-ஆஃப் வாய்ப்புக்கு ஆப்பு வைத்த 2 அணிகள்.. இனி என்ன செய்ய வேண்டும்?
- Education மாணவர்களுக்கோர் ஓர் நற்செய்தி.. நான்கு ஆண்டு இளங்கலை பட்டப்படிப்பு படித்தவர்கள் பிஎச்.டி.யில் சேர
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
விக்னேஷ் சிவன் இயக்கும் AK 62 படத்தில் அஜித்துக்கு வில்லன்…. உண்மையை சொன்ன கெளதம் மேனன்
சென்னை: அஜித் தற்போது ஹெச் வினோத் இயக்கும் துணிவு படத்தின் படப்பிடிப்புக்காக பாங்காங் சென்றுள்ளார்.
துணிவு படத்தைத் தொடர்ந்து விக்னேஷ் சிவன் இயக்கும் 'ஏகே 62' படத்தில் நடிக்கவுள்ளார் அஜித்.
ஏகே 62 படத்தில் வில்லனாக நடிப்பது குறித்து இயக்குநர் கவுதம் மேனன் விளக்கம் அளித்துள்ளார்.
பொன்னியின் செல்வன் படத்தின் மொத்த பட்ஜெட்… நடிகர், நடிகைகள் சம்பளம் பத்தி தெரிஞ்சிக்கணுமா?
விரைவில் தொடங்கும் ஏகே 62
வலிமையைத் தொடர்ந்து ஹெச் வினோத் இயக்கும் துணிவு படத்தில் நடித்து வருகிறார் அஜித். நேர்கொண்ட பார்வை, வலிமை படங்களைத் தொடர்ந்து 3வது முறையாக இந்தக் கூட்டணி இணைந்துள்ளது. துணிவு படத்தின் டைட்டிலோடு அஜித்தின் மாஸ்ஸான போஸ்டர்களையும் வெளியிட்டது படக்குழு. இந்நிலையில், துணிவு படத்தின் படப்பிடிப்புக்காக பாங்காங் சென்றுள்ளார் அஜித். விரைவில் இந்தப் படத்தி ஷூட்டிங் முடிவுக்கு வரும் என எதிர்பார்க்கப்படுகிறது. அதேபோல், உடனடியாக 'ஏகே 62' படப்பிடிப்பும் தொடங்கும் என சொல்லப்படுகிறது.
விக்னேஷ் சிவன் இயக்கத்தில் அஜித்
அஜித்தின் 62வது படமாக உருவாகும் 'ஏகே 62' விக்னேஷ் சிவன் இயக்கத்தில் உருவாகவுள்ளது. லைகா தயாரிக்கும் இந்தப் படத்திற்கு அனிருத் இசையமைப்பாளராக கமிட் ஆகியுள்ளார். அஜித்துக்கு ஜோடியாக நடிப்பது யார் என இன்னும் படக்குழு அறிவிக்கவில்லை. ஆனால், நயன்தாரா, தீபிகா படுகோன், ஆலியா பட் ஆகியோரின் பெயர்கள் அடிபடுகின்றன. இந்நிலையில், சமீபத்தில் லைகா நிறுவனத்தின் தலைவர் சுபாஷ்கரனை அஜித் நேரில் சந்தித்த போட்டோஸ் சோஷியல் மீடியாவில் வைரலாகின.
அஜித்துக்கு வில்லனாக கவுதம் மேனன்
ஏகே 62 படத்தில் அஜித்துக்கு வில்லனாக இயக்குநர் கவுதம் மேனன் நடிக்கவுள்ளதாக தகவல்கள் வெளியாகின. மின்னலே மூலம் இயக்குநராக அறிமுகமான கவுதம் மேனன், தொடர்ந்து வேட்டையாடு விளையாடு, காக்க காக்க, வாரணம் ஆயிரம், விண்ணைத்தாண்டி வருவாயா, வெந்து தணிந்தது காடு உட்பட சூப்பர் ஹிட் படங்களை இயக்கியுள்ளார். குறிப்பாக அஜித்தின் 'என்னை அறிந்தால்' படத்தையும் கவுதம் இயக்கியிருந்தார். இந்நிலையில், அஜித்துக்கு வில்லனாக கவுதம் மேனன் நடிப்பதாக சொல்லப்பட்டது.
கண்டிப்பாக நடிப்பேன்....
இயக்குநராக வலம்வந்த கவுதம் மேனன், கடந்த சில வருடங்களாக வில்லன், போலீஸ் ஆபிஸர் கேரக்டர்களில் நடித்து மாஸ் காட்டி வருகிறார். இந்நிலையில், அஜித்துடன் ஏகே 62 படத்தில் நடிப்பது குறித்து கவுதம் மேனனே விளக்கம் கொடுத்துள்ளார். அதில், "எனக்கு விக்னேஷ் சிவன் நெருங்கிய நண்பர். அவர் ஏகே 62 படத்தை பற்றி என்னிடம் இதுவரை பேசவில்லை. ஒருவேளை அவர் என்னை நடிக்க அழைத்து அந்த ரோல் எனக்கு செட்டானால் கண்டிப்பாக அஜித்துடன் நடிப்பேன்" எனக் கூறியுள்ளார். இதனால், அஜித்துக்கு வில்லனாக கவுதம் நடிப்பதாக வெளியான செய்திகள் எல்லாம் வதந்தி என தெரியவந்துள்ளது. .