நடிகை நர்கீஸ் பிறந்த நாள்.. கொண்டாடும் கூகுள் டூடுல்!

86வது பிறந்த நாள்

இன்று அவருக்கு 86வது பிறந்த நாளாகும். இந்த நாளைக் கொண்டாடும் வகையில் கூகுள் தனது டூடுல் சேவைக்கான இடத்தில் நர்கீசின் அழகிய புகைப்படம் ஒன்றை வைத்து திரைத்துறையில் அவரது பங்களிப்பை நினைவு கூர்ந்துள்ளது.

தமன்னாவில் அறிமுகம்

1929-ம் ஆண்டு ஜூன் 1 ஆம் தேதி பிறந்தவர் நர்கீஸ் தத். 1935 ஆம் ஆண்டில் குழந்தை நட்சத்திரமாக திரைத்துறையில் அறிமுகமான இவர், கதாநாயகியாக அறிமுகமான முதல் படம் தமன்னா.

சுனில் தத்

1957-ல் மதர் இந்தியாவில் நடித்தபோது, உடன் நடித்த சுனில் தத்தை காதலித்து மணந்தார். அதன் பிறகு படங்களில் நடிப்பதைத் தவிர்த்தார். சஞ்சய் தத், நம்ரதா தத், ப்ரியா தத் என மூன்று குழந்தைகளைப் பெற்றார்.

தேசிய விருது

திருமணத்திற்குப் பிறகு அரிதாகவே நடித்தார். அப்படி நடித்து வெளிவந்த 'ராத் ஆர் தின்' படத்திற்காக சிறந்த நடிகைக்கான தேசிய விருதினைப் பெற்றார் நர்கீஸ்.

கணையப் புற்று நோய்

தன் இறுதிக்காலத்தில் கணையப் புற்று நோயால் பாதிக்கப்பட்ட இவர் 1981-ஆம் ஆண்டு மே 3-ம் தேதி மரணமடைந்தார். இந்திய அரசாங்கம் இவரது பெயரில் "சிறந்த தேச ஒருமைப்பாட்டிற்கான" தேசிய திரைப்பட விருதினை வழங்கி வருகிறது.