முகப்பு

செய்திகள்

அகமதாபாத்: பெண்களை ஊக்குவிக்கும் வகையில் எடுக்கப்பட்டுள்ள மேரி கோம் படத்துக்கு 100 சதவீத வரிவிலக்கு அளிக்க குஜராத் அரசு முன்வந்துள்ளது.

இதனை அம்மாநிலத்தின் முதல் பெண் முதல்வரான ஆனந்தி பென் படேல் நேற்று அறிவித்தார்.

மணிப்பூர் மாநிலத்தை சேர்ந்த குத்துச்சண்டை வீராங்கனையும், ஒலிம்பிக் போட்டியில் வெண்கலம் வென்றவருமான மேரி கோமின் சாதனைகள் மற்றும் அவர் வாழ்க்கையில் சந்தித்த தடைகளை மையப்படுத்தி எடுக்கப்பட்ட படம் மேரி கோம்.

இத்திரைப்படம் விளையாட்டில் ஆர்வமுள்ள பெண்களை ஊக்குவிப்பதாக உள்ளதால் இதற்கு முழு வரி விலக்கு அளிக்க முடிவு செய்துள்ளதாக முதல்வர் ஆனந்தி பென் படேல் தெரிவித்தார்.

இத்திரைப்படத்தை வயாகாம் 18 மீடியா நிறுவனமும், பிரபல இயக்குநர் சஞ்சய் லீலா பன்சாலியின் பன்சாலி புரொடக்ஷன்சும் இணைந்து தயாரித்துள்ளன.

முன்னாள் காவல்துறை பெண் அதிகாரியான கிரண் பேடி இத் திரைப்படத்தை பாராட்டியுள்ளது குறிப்பிடத்தக்கது.