ஆக்ஷன் பில்ம்?.. ஜி.வி.பி.??.. அடியாத்தீ, இப்பவே பயந்து வருதே!

இந்நிலையில் இவர் பல படங்களில் நடிக்க ஒப்பந்தமாகியிருக்கிறார். தற்போது இவர் ‘நாச்சியார்', ‘அடங்காதே', ‘4ஜி', ‘ஐயன்கரன்', ‘செம', '100% காதல்', ‘குப்பத்து ராஜா' பல படங்களில் பிஸியாக நடித்து வருகிறார்.

இந்நிலையில், "ஈரம்', 'வல்லினம்' 'ஆறாது சினம்' 'குற்றம் 23' படங்களை இயக்கிய அறிவழகன் அதைத் தொடர்ந்து புதிய படத்தை இயக்கவுள்ளார். 'குற்றம் 23' படத்துக்குக் கிடைத்த வரவேற்பைத் தொடர்ந்து, தனது அடுத்த படத்துக்கான கதை விவாதத்தில் ஈடுபட்டு வந்தார் இயக்குநர் அறிவழகன். கதை எழுதி முடித்தவுடன், நாயகன் இறுதி செய்யப்படவுள்ளதாக அறிவழகனுக்கு நெருக்கமானவர்கள் தெரிவித்தார்கள்.

தற்போது இக்கதையில் ஜி.வி.பிரகாஷ் நாயகனாக நடிக்க ஒப்பந்தமாகியிருக்கிறார். இப்படத்தினை மைக்கேல் ராயப்பன் தயாரிக்க முன்வந்துள்ளார். விரைவில் ஒப்பந்தம் கையெழுத்திடப்பட்டு அதிகாரபூர்வமாக அறிவிக்கப்படும் என்று தெரிவித்தார்கள். தற்போது திரைக்கதையை இறுதி செய்யும் பணியில் இருக்கிறார் இயக்குநர் அறிவழகன்.

இந்தக் கதை ஆக்‌ஷன் கலந்த க்ரைம் த்ரில்லர் கதையாக இருக்குமாம். ஆக்‌ஷன் கதைக்கு சற்றும் பொருத்தமில்லாத ஜி.வி.பிரகாஷை எப்படி நடிக்கவைக்கத் தேர்ந்தெடுத்தார் இயக்குநர் என்பதுதான் சினிமாக்காரர்களின் மில்லியன் டாலர் கேள்வி. எது எப்படியோ ஜி.வி.பிரகாஷ் காட்டில் படமழைதான்!