லோகேஷ் கனகராஜ் வெளியிடும் பேச்சிலர் படத்தின் ட்ரெயிலர்

நடிகர் ஜிவி பிரகாஷ்

நடிகர் ஜிவி பிரகாஷ்குமார் நடிப்பில் அடுத்தடுத்த படங்கள் ரிலீசுக்கு தயாராக உள்ளன. அவரது நடிப்பில் நீண்ட காலங்களாக ரிலீசுக்காக காத்திருந்த படம் பேச்சிலர். இந்தப் படம் வரும் டிசம்பர் 3ம் தேதி திரையரங்குகளில் ரிலீசாக உள்ளதாக அறிவிக்கப்பட்டுள்ளது.

பேச்சிலர் படம்

படத்தில் திவ்ய பாரதி ஜிவி பிரகாஷுக்கு ஜோடியாகியுள்ளார். இந்தப் படத்தின் டைட்டில் மற்றும் டீசர் வெளியாகி வரவேற்பை பெற்ற நிலையில், படம் இளைஞர்களுக்கான படமாக அமைந்துள்ளதாக கூறப்பட்டது. இந்நிலையில் இந்தப் படம் குடும்பத்தினர் அனைவரும் பார்க்கும் வகையில் அமைந்துள்ளதாக இயக்குநர் தெரிவித்துள்ளார்.

குடும்பங்களுக்கான படம்

படத்தில் சர்ச்சைக்குரிய எந்த காட்சிகளும் இடம்பெறவில்லை என்றும் அவர் கூறியுள்ளார். பெங்களூரு ஐடி நிறுவனத்திற்கு வேலைக்கு செல்லும் இளைஞன் எதிர்கொள்ளும் சம்பவங்களை மையமாக கொண்டு இந்தப் படம் உருவாகியுள்ளதாக கூறப்பட்டுள்ளது.

சதீஸ் செல்வகுமார் இயக்கம்

சிவப்பு மஞ்சள் பச்சை படத்தின் உதவி இயக்குநர் சதீஸ் செல்வகுமார் இயக்கத்தில் உருவாகியுள்ள இந்தப் படத்தில் இயக்குநர் மிஷ்கினும் கௌரவ வேடத்தில் நடித்துள்ளார். படத்தை ஆக்ஸஸ் பிலிம் பேக்டரி சார்பில் டில்லி பாபு தயாரித்துள்ளார். படத்தில் நாயகனாக நடித்துள்ளதுடன் இசையமைப்பையும் மேற்கொண்டுள்ளார் ஜிவி பிரகாஷ்குமார்.

3ம் தேதி ரிலீஸ்

வரும் 3ம் தேதி படம் திரையரங்குகளில் ரிலீசாக உள்ள நிலையில், படத்திற்கு தணிக்கை குழு ஏ சான்றிதழ் வழங்கியுள்ளது. படத்தின் டீசர் வெளியான நிலையில் தற்போது படத்தின் ட்ரெயிலர் இன்று மாலை வெளியாக உள்ளதாக படக்குழு அறிவித்துள்ளது. இந்த ட்ரெயிலரை இயக்குநர் லோகேஷ் கனகராஜ் வெளியிடவுள்ளதாகவும் கூறப்பட்டுள்ளது.

9ம் தேதி ஜெயில் படம் ரிலீஸ்

இந்தப் படத்தை தொடர்ந்து வரும் 9ம் தேதி வசந்தபாலன் இயக்கத்தில் ஜிவி பிரகாஷ் நடித்துள்ள ஜெயில் படமும் ரிலீசாக உள்ளது. அடுத்தடுத்து ஒரு வார இடைவெளியில் அவரது படங்கள் ரிலீசாக உள்ளது குறித்து ஜிவி பிரகாஷின் ரசிகர்கள் உற்சாகம் தெரிவித்துள்ளனர்.