ஹன்சிகாவின் ‘காந்தாரி‘ பர்ஸ்ட் லுக் போஸ்டர்..காஞ்சனா படத்தின் காப்பியா? கலாய்க்கும் நெட்டிசன்ஸ்!

நடிகை ஹன்சிகா மோத்வானி

நடிகை ஹன்சிகா மோத்வானி இந்த மாதம் தொடக்கத்தில் ராஜஸ்தான் மாநிலம் ஜெய்பூர் அரண்மனையில் கோலாகலமாக நடைபெற்றது. நீண்ட நாள் காதலரான சோஹேல் கதுரியாவை ஹன்சிகா திருமணம் செய்து கொண்டார். முதல் நாளில் மெஹந்தி விழா, இரண்டாவது நாளில் இசை நிகழ்ச்சி என இவர்களது திருமணம் மிகவும் கோலாகலமாக நடைபெற்றது.

திருமணத்திற்கு பிறகும் பல படங்களில்

திருமணத்திற்கு பின்பும் ஹன்சிகா ஏராளமான படங்களில் கமிட்டாகி உள்ளார். பாட்னர், 105 மினிஸ்ட், மை நேம் ஸ் ஸ்ருதி, ரௌடி பேபி போன்ற படங்களை கைவசம் வைத்து இருக்கிறார். இதில், நடிகை ஹன்சிகா நடிப்பில் ஆர்.கண்ணன் இயக்கத்தில் உருவாகி வரும் திரைப்படத்திற்கு 'காந்தாரி'என பெயரிட்டுள்ளனர். ஹன்சிகா இரட்டை வேடத்தில் நடித்திருப்பதாக தகவல் வெளியாகி உள்ளது.

காந்தாரி ஃபர்ஸ்ட் லுக்

இப்படத்திற்கு தயாரிப்பாளர் தனஞ்செயன் திரைக்கதை எழுதியுள்ளார். இவருடன் மெட்ரோ சிரிஷ், மயில்சாமி, தலைவாசல் விஜய், பிரிஜிதா ஆகியோர் முக்கிய பாத்திரங்களில் நடித்துள்ளனர். வரும் பிப்ரவரி 24ஆம் தேதி வெளியாகவுள்ள இப்படத்தின் ஃப்ர்ஸ்ட் லுக் போஸ்டரை படக்குழு வெளியிட்டுள்ளது. அந்த போஸ்டரில் தரைவிரி கோலத்துடன் ஹன்சிகா இருக்கிறார்.

கிண்டலடிக்கும் ரசிகர்கள்

இணையத்தில் வைரலாகி வரும் இந்த போஸ்டரை பார்த்த நெட்டிசன்ஸ், இந்த போஸ்டரை பார்க்கும் போது காஞ்சனா பட போஸ்டரைப் பார்ப்பது போல இருப்பதாகவும், ஏற்கனவே காஞ்சனா ஒன்று, இரண்டு,மூன்று வெளியாகிவிட்ட இது காஞ்சனா பகுதி நாலா என ரசிகர்கள் சோஷியல் மீடியாவில் கிண்டலடித்து வருகின்றனர்.