திருமண நாளில் ஹன்சிகா செய்த நல்ல காரியம்..ஆதரவற்றவர்களுக்கு விருந்து!

ஹன்சிகா மோத்வானி

ஹன்சிகா மோத்வானி தனது நீண்ட நாள் காதலரான மும்பையைச் சேர்ந்த தொழிலதிபர் சோஹெல் கதுரியாவை திருமணம் செய்து கொண்டார். திருமணத்திற்காக 450 ஆண்டு பழமையான ஜெய்பூர் அரண்மனை பிரம்மாண்டமாக தயாராகி உள்ளது. திருமண விழா 10 நாட்களுக்கு முன்பு தொடங்கியது.

பூரிப்புடன் ஹன்சிகா

தற்போது மெஹந்தி விழாவுடன் திருமணத்திற்கு முந்தைய விழாக்கள் தொடங்கின. கையில் மருதாணியுடன், ஹன்சிகாவின் முகத்தில் கல்யாண கலை தாண்டவாடியது. சிவந்த கைகளுடன், சிவப்பு நிற உடையில் ஹன்சிகா போஸ் கொடுத்த புகைப்படம் இணையத்தில் வெளியாகி லைக்குகளை வாரிக் குவித்தன.

மணக்கோலத்தில்

அதன்பின் நடந்த இசை கச்சேரி நிகழ்ச்சியில், மணக்கோலத்தில் நடிகை ஹன்சிகா-சோகைல் கதுரியா நடந்து வரும் வீடியோ இணைய தளத்தில் வைரல் ஆனது. அதில் இஸ்லாமிய முறைப்படி ஹன்சிகா தங்க நிற உடையில் மினுமினுத்தார். மணமகள் உடையில் ஹன்சிகா, சோகைல் கதுரியாவுடன் நடந்து வந்தார். பின்னர் இசைக்கு ஏற்ப உற்சாகத்துடன் ஹன்சிகா நடனமாடினார்.

ஆதரவற்ற குழந்தைகளுக்கு விருந்து

இந்நிலையில், ஹன்சிகா தனது திருமணத்தை முன்னிட்டு ஆதரவற்ற குழந்தைகளை தனது திருமணத்திற்கு அழைத்து விருந்து கொடுத்துள்ளதாக தகவல் வெளியாகி உள்ளது. மேலும், ஜெய்ப்பூரில் உள்ள அரண்மனையைச் சுற்றி வசிக்கும் குழந்தைகளுக்கு திருமண உணவுகளை, திருமணம் நாளில் அனுப்பவும் ஏற்பாடு செய்துள்ளாராம். அதுமட்டுமில்லாமல் தன்னார்வ தொண்டு நிறுவனம் மூலம், இந்தியா முழுவதும் உள்ள ஆதரவற்ற குழந்தைகளுக்கு தனது திருமண நாளில் சுவையான உணவை வழங்கி உள்ளார். ஹன்சிகாவின் செயலை அவரது ரசிகர்கள் பாராட்டி வருகின்றனர்.

ஹனிமூனுக்காக

நடிகை ஹன்சிகா திருமணம் முடிந்த கையோடு தனது கணவருடன் தேனிலவுக்காக அலாஸ்கா, கனடா, ஐஸ்லாந்து, கிரீன்லாந்து, நார்வே, ஸ்வீடன் மற்றும் பின்லாந்து உள்ளிட்ட இடங்களுக்கு செல்ல திட்டமிட்டுள்ளதாகவும் கூறப்படுகிறது.ஹனிஸ்காவும் சோஹேலும் இணையத்தில் ரசிகர்கள் வாழ்த்துக்கள் குவிந்து வருகின்றன.