பெற்றோர் பார்க்க வேண்டிய படம்..ஹன்சிகா நடித்த ‘மஹா‘..மக்கள் விமர்சனம் இதோ!

50வது படம்

'மஹா' படம், ஹன்சிகா மோத்வானியின் 50வது படமாகும். இந்தப் படம் வெளியாவதற்கு பல சிக்கல்கள் எழுந்தன. இருந்தாலும் தடைகளை கடந்து இன்று திரையரங்கில் வெளியாகி உள்ளது. குழந்தைகளை கடத்திக் கொள்ளும் சைக்கோ கொலையாளி பற்றிய திரில்லர் கதை தான் மஹா. இப்படத்தில் ஒரு குழந்தையின் தாயாக தனது அனுபவமிக்க நடிப்பால் ஹன்சிகா கலக்கி இருக்கிறார்.

காட்சிக்கு காட்சி பரபரப்பு

பல ஆண்டுகளுக்கு முன்பே அப்படத்தின் படப்பிடிப்பு பணியில் முடிந்து பல்வேறு பிரச்சினைகளால் படம் வெளியாகாமல் இருந்தது. காட்சிக்கு காட்சி பரபரப்பு விறுவிறுப்புக்கும் பஞ்சமே இல்லாமல் கதையை நகர்த்தி இருக்கிறார் இயக்குநர். இந்த படத்தை பார்க்கும் பெற்றோருக்கு குழந்தைகளை பத்திரமாக பாதுகாப்பது எப்படி? என்பது குறித்த விழிப்புணர்வு ஏற்படும். திரில்லர் கதைகளை விரும்பும் சினிமா ரசிகர்களுக்கு இந்த படத்தை கொண்டாடி வருகின்றனர்.

செம ரொமான்ஸ்

இப்படத்தின் மீது சிம்பு காட்டிய ஆர்வத்தால், சிம்புக்காக ஒரு சண்டை காட்சியும், ஒரு பாடல் காட்சியும் வைக்கப்பட்டது. ஹன்சிகா மற்றும் சிம்பு வரும் காட்சிகள், அவர்களின் ரொமான்ஸ் படத்திற்கு பிளஸ்ஸாக அமைந்துள்ளது. கொலையாளி வரும் காட்சிகளில் தெறிக்க விடப்படும் பின்னணி இசையில் ஜிப்ரான் மிரட்டி இருந்தார். மஹா படத்துக்கு இசை மிகப்பெரிய பலமாக அமைந்துள்ளது.

மக்கள் கருத்து

இன்றைய காலகட்டத்தில் தேவையான படம் என்றும், குழந்தைகளை பெற்றோர்கள் எவ்வாறு கண்ணும் கருத்துமாக பார்த்துக்கொள்ள வேண்டும் என்ற கருத்து படத்தில் உள்ளது. குடும்பத்தோடு அனைத்து பெற்றோர்களும் பார்க்க வேண்டிய படம் என பொதுமக்கள் கருத்து தெரிவித்துள்ளனர்.