பிறந்தநாள் கொண்டாடும் சந்தானம்.. ரசிகர்கள் திரையுலக பிரபலங்கள் வாழ்த்து!

கலாய் கிங்

தனியார் தொலைக்காட்சியில் லொள்ளு சபா என்னும் நிகழ்ச்சியில் நகைச்சுவையாளராக நடித்து பலரின் கவனத்தை தன் பக்கம் ஈர்த்தார் சந்தானம். அதனின் விளைவாக நிறைய படங்களில் வாய்ப்பு கிடைத்து நகைச்சுவை நடிகராக நடிக்க தொடங்கினார்.

தமிழ் சினிமாவில் முன்னனி நடிகர்களிலிருந்து வளர்ந்து வரும் நடிகர்கள் வரை படத்தில் சந்தானம் கலாய்க்காத ஆட்களே இல்லை.

டபுள் காம்போ

பின்னர் நகைச்சுவை நடிகருக்கான வாய்ப்பை ஒதுக்கி விட்டு முழுவதுமாக ஹீரோவாக நடிக்க தொடங்கினார். தற்போது ஹீரோ கதாபாத்திரத்தை மட்டுமே தேர்ந்தெடுத்து நடித்து வருகிறார். காமெடி - ஹீரோயிசம் என ரசிகர்களை மகிழ்விக்கும் டபுள் காம்போவாக தன்னுடைய பணிகளை சிறப்புற செய்து வருகிறார் சந்தானம்.

பாரிஸ் ஜெயராஜ்

சந்தானத்தின் பிறந்தநாளை முன்னிட்டு அவரின் நடிப்பில் வெளிவரவிருக்கும் பாரிஸ் ஜெயராஜ் படத்தில் இருந்து புலி மாங்கா புளிப் எனும் பாடல் வெளியாகியுள்ளது. இதற்கு முன் சமீபத்தில் பாரிஸ் ஜெயராஜ் படத்தின் முதல் பார்வை, ட்ரைலர், காவா உள்ள பாடல் என அனைத்தும் ரசிகர்கள் மத்தியில் நல்ல வரவேற்பை பெற்றது.

சபாபதி போஸ்டர்

இதை தொடர்ந்து ஆர். ஸ்ரீனிவாச ராவ் இயக்கத்தில் சந்தானத்தின் மற்றொரு படமான சபாபதி படத்தின் போஸ்டர் வெளியாகியுள்ளது. இந்த படத்திற்கு சாம் சி. எஸ் இசையமைக்கிறார். இந்த வருடம் ஏப்ரல் மாதம் சபாபதி வெளியாகும் என எதிர்பார்க்கப்படுகிறது.

இது தவிர்த்து பாரிஸ் ஜெயராஜ், டிக்கிலோனா, சர்வர் சுந்தரம் என சந்தானம் நடிப்பில் படங்கள் ரிலீசுக்கு காத்துள்ளன.