மனிதனை மிருகமா மாத்திடும் மணி.. துணிவு செகண்ட் சிங்கிள் ‘காசேதான் கடவுளடா’ பாடல் எப்படி இருக்கு?

காசேதான் கடவுளடா

ஹெச். வினோத் இயக்கத்தில் அஜித், மஞ்சு வாரியர், அமீர், சிபி, பாவனி, சமுத்திரகனி, ஜான் கொக்கன் நடிப்பில் உருவாகி உள்ள துணிவு திரைப்படம் வரும் பொங்கல் பண்டிகைக்கு வெளியாகிறது. அந்த படத்தின் செகண்ட் சிங்கிளான 'காசேதான் கடவுளடா' பாடல் தற்போது வெளியாகி டிரெண்டாகி வருகிறது.

மனிதனை மிருகமா மாத்திடும் மணி

மனிதனை மிருகமா மாத்திடும் மணி.. கொஞ்சம் உஷாரா இல்லைன்னா காலையில இருக்காது துணி போன்ற லிரிக்ஸ் மற்றும் நாடே ஏகப்பட்ட EMIல கிடக்குது என்கிற கரன்ட்டான லிரிக்ஸ் எழுதி அசத்தியது மட்டுமின்றி இந்த பாடலையே பாடலாசிரியர் வைசாக்கே பாடி உள்ளார். அதனால் தான் இந்த பாடல் லீக் ஆகும் போது, லீக் பண்ண வேண்டாம் என்றும் அதிகம் ஷேர் பண்ண வேண்டாம் என்றும் அவர் கோரிக்கை விடுத்திருந்தார்.

வாம்மா மின்னல்

சில்லா சில்லா பாடலை விட காசேதான் கடவுளடா பாடல் 3 நிமிடத்திற்கும் குறைவாகவே முடிந்து விடுகிறது. வாம்மா மின்னல் என்பது போல சட்டென தல்லால.. தல்லால.. தல்லால என வரிகள் ஓடி விடுகின்றன. அஜித்தின் நடனக் காட்சிகளும் ரொம்பவே குறைவாக உள்ளது ரசிகர்களை சற்றே ஏமாற்றி உள்ளது.

மஞ்சு வாரியர் என்ன பண்றாங்க?

துணிவு படத்தில் நானும் பாடியிருக்கேன் என சமீபத்தில் ட்வீட் போட்டு ரசிகர்களுக்கு இன்பதிர்ச்சி கொடுத்திருந்தார் மஞ்சு வாரியர். ஆனால், காசேதான் கடவுளடா பாடலில் அவரது முகம் மட்டுமே லிரிக் வீடியோவில் வருகிறது. குரல் எங்கே கேட்குதுன்னே தெரியல என நெட்டிசன்கள் கலாய்த்து வருகின்றனர். சும்மா கோரஸ் பாடி சென்றிருக்கிறார் மஞ்சு வாரியர்.

வொர்த்தா இல்லையா

சில்லா சில்லா பாடலை விட காசேதான் கடவுளடா பாடல் மிரட்டும் என வைசாக் சொன்னதற்கு காரணமும் அவர் பாடிய பாடல் என்பதால் தான் இருக்கும் என தெரிகிறது. இந்த பாடல் படத்தில் தனியாக வருமா? இல்லை படம் முடிந்ததும் வருமா? என்கிற கேள்வி எழுந்துள்ளது. சில்லா சில்லா அளவுக்கு இல்லை அதை விட சற்றே சுமாரான பாடல் தான். இன்னமும் ஒரிஜினல் வெர்ஷன் காசேதான் கடவுளடா பாடலில் ஏகப்பட்ட சுவாரஸ்யமான வரிகளும் விஷயங்களும் நிறைந்திருக்கும் என்பது குறிப்பிடத்தக்கது.