பாடி ஷேமிங் பெண்களை ரொம்பவே பாதிக்குது.. டபுள் எக்ஸல் படத்தை தயாரித்து நடிக்கும் வலிமை நாயகி!

யார் இந்த ஹூமா குரேஷி

பாலிவுட் நடிகையான ஹூமா குரேஷி தமிழில் ரஜினிகாந்தின் காலா படத்தில் முன்னாள் காதலியாக நடித்திருப்பார். இந்த ஆண்டு அஜித் நடிப்பில் வெளியான வலிமை படத்தில் ரொமான்ஸ் பண்ணாத ஹீரோயினாக ஆக்‌ஷனில் அசத்தி இருப்பார். மகாராணி 2 வெப்சீரிஸ் விரைவில் வெளியாக உள்ள நிலையில், டபுள் எக்ஸல் படத்திற்காக உடல் எடையை அதிகரித்து வருகிறார் ஹூமா குரேஷி.

பாலிவுட்டில் அந்த பிரச்சனை

பாலிவுட்டில் ஹீரோயின்கள் சைஸ் ஜீரோவாக இருக்க வேண்டும் என்கிற ஒரு எழுதப் படாத விதி உள்ளது. தீபிகா படுகோன் முதல் அனன்யா பாண்டே வரை ஒல்லி பெல்லி நடிகைகளுக்கு ஓவர் வாய்ப்பு கிடைக்க அது தான் காரணம் என்கின்றனர். புசுபுசுன்னு இருக்கும் சோனாக்‌ஷி சின்ஹா மற்றும் ஹூமா குரேஷிக்கு அதிக வாய்ப்புகள் வருவதில்லை. அதன் காரணமாக இருவரும் இணைந்து நடிக்க உள்ள படம் தான் டபுள் எக்ஸல்.

அனுஷ்காவின் இஞ்சி இடுப்பழகி

இந்த பாடி ஷேமிங் பஞ்சாயத்தை டீல் செய்யத்தான் அப்பவே அனுஷ்கா தெலுங்கில் சைஸ் ஜீரோ எனும் படத்தில் ஓவர் வெயிட் போட்டு நடித்தார். அந்த படம் தான் இஞ்சி இடுப்பழகி என தமிழில் வெளியானது. ஆனால், அதற்கு பிறகு தனது உடல் எடையை குறைக்க முடியாமல் ஏகப்பட்ட வாய்ப்புகளை இழந்தார் பாகுபலி நடிகை அனுஷ்கா.

பெண்கள் தான் பாதிக்கின்றனர்

பாடி ஷேமிங்கால் பெரிதும் பாதிக்கப்படுவது பெண்கள் தான் என்றும் உருவ கேலியை வைத்து சாதாரண பெண்கள் முதல் சினிமா ஸ்டார்கள் வரை கலாய்க்கப்பட்டு வருகின்றனர் என பேசியுள்ள ஹூமா குரேஷி, அது தொடர்பான கருத்துக்களை மக்களிடையே மாற்ற இந்த படத்தை தயாரித்து நடித்து வருவதாக கூறியுள்ளார். சத்தரம் ரமணி இயக்கத்தில் உருவாகி வரும் இந்த படத்தில் பாடி பாசிட்டிவ் உள்ளிட்ட விஷயங்களை பேச உள்ளார்களாம்.

Recommended Video

காலாவுக்கு முன்பிருந்தே ஹுமா குரேஷி - தனுஷ் நண்பர்களாம்!- வீடியோ

தயாரிப்பில் இறங்கிய நடிகைகள்

தமிழில் நடிகை அமலா பாலுக்கு படங்கள் பெரிதளவில் கிடைக்காத நிலையில், கடாவர் படத்தை தயாரித்து நடித்தார். இந்நிலையில், ஹூமா குரேஷியும் தயாரிப்பாளர் ஆகி உள்ளார். ஹீரோக்களுடன் போட்டி போட இந்த டிரெண்டை ஹீரோயின்கள் ஆரம்பித்து உள்ளார்களா? அல்லது பட வாய்ப்புகள் சரியாக கிடைக்காதது தான் காரணமா? என்கிற கேள்வியும் எழுந்துள்ளது. ஒட்டுமொத்தமாகவே பாலிவுட் படங்களை தடை செய்ய வேண்டும் என போராடுபவர்கள் மத்தியில் சிக்காமல் இந்த படம் படம் ஓடிடியில் வெளியாகும் என்றும் தகவல்கள் வெளியாகி வருகின்றன.